GT Bible Studies    

    Nepali    


Navigation Glad Tidings Bible Studies in Nepali

२२. कुप्रो ढाड़ भएकी स्त्री १३: १०–१७



टिपोट: शनिबार परमेश्वरको वचनलाई सुन्न भेला हुने स्थानलाई नै सभाघर भनिन्थ्यो । तीदिनहरूमा, धार्मिक विषयवस्तुहरूमा स्त्रीहरूले कुनै पनि कुरा बोल्न पाउँदैनन् थिए । तसर्थ, उनीहरू पछाडितिर तथा माथिल्लो तलातिर भएका कुर्सीहरूमा बस्दथे । यो स्त्रीको ढाड़ किन कुप्रो भएको थियो भन्ने हामीलाई थाहा छैन । सायद, त्यो रोग नै थियो होला ।

१. १८ वर्षसम्म त्यसरी अशक्त भएर बस्दा, तिनको दिनाचार्य कसरी बितेको थियो होला, एकैछिन्, कल्पना गर्नुहोस् ।
  • त्यसरी कुप्रो ढाड़ भएकी स्त्रीलाई मानिसहरूले कसरी व्यवहार गरे होलान ?

    २. यदि तपाईं सानै अवस्थादेखि त्यसरी कुनै अशक्ततामा जीवन जिउनुपरेको भए, तपाईंलाई सबैभन्दा कठिन कुरा के हुने थियो होला ?
  • त्यसरी सानै अवस्थामा तपाईंको अवस्था त्यस्तो भएको भए, त्यसलाई अनुमति दिनुहुने परमेश्वरको बारेमा तपाईंले के सोच्नुहुन्थ्यो होला ?

    ३. भूतत्मा लागेको व्यक्तिबाट त्यसलाई निकाल्ने क्रममा, येशूले सधैँ नै त्यसलाई प्रत्यक्ष हपार्नुभयो । तर उहाँले त्यस स्त्रीलाई त्यसो गर्नुभएन । तसर्थ, त्यसलाई भूतत्मा लागेको थिएन भन्ने कुरा त्यसैबाट स्पष्ट हुन्छ । शैतानले नै त्यसलाई बन्धनमा पारेको छ भनी येशूले भन्नुभयो (१६) । उहाँले त्यसरी के भन्न चाहनुभएको होला ?
  • के कस्ता किसिमका कुराहरूले आज पनि मानिसहरूलाई बन्धनमा पारिरहेको छ र उनीहरूले पूर्ण जीवनलाई बिताउन पाएका छैनन् ?

    ४. त्यो स्त्री सभाघरमा निको हुनको लागि आएकी थिइन् । त्यसो भए, तिनी किन आएकी थिइन् त ?
  • हप्ताको एकपटक परमेश्वरको वचनलाई सुन्न आउनु भन्नाले यो स्त्रीले के बुझेकी थिई ?



    ५. किन यो स्त्रीले येशूसँग मद्दत मागिनन् ? विभिन्न सम्भाव्य कारणहरूबारे सोच्नुहोस् ।
  • सबै मानिसहरूका अघि आऊ भनी जब येशूले त्यसलाई भन्नुभयो, तब तिनले कस्तो महसुस गरिन् ?
  • येशूले अह्राउनुभएको कुरा गर्नलाई केसले तिनलाई प्रेरित गन्यो ?

    ६. कुनै न कुनै तरिकाले शैतानको बन्धनमा रहेका मानिसहरूलाई मद्दत गर्नको लागि यो खण्डले के सिकाउँदछ ? (शास्त्रमा सीमित रहनुहोस्) ।

    ७. “अब्राहामकी छोरी” भनी येशूले यस स्त्रीलाई भन्नुभयो । उहाँले त्यसरी किन भन्नुभयो ? (अब्राहामको बारेमा अध्ययन टिपोट २८ लाई हेर्नुहोला) ।

    ८. यस स्त्रीप्रतिको येशूको दृष्टिकोण कसरी सभाघरको शासकका दृष्टिकोणभन्दा फरक छ ?
  • सभाघरको शासकले आफूले पनि परमेश्वरमाथि विश्वास गर्ने ठानेको थियो । उसको विश्वासमा के कुराको कमी थियो ?
  • सभाघरको शासक के कुराले बाँधिरहेको थियो ?

    खुशीको सन्देश: शैतानले अन्तमा, येशूलाई समेत क्रूसमा काँटी ठोकेर झुण्ड्याइदियो । त्यसैकारणले त अहिले स्वतन्त्र हुन चाहने सबैलाई नै उहाँले शैतानको बन्धनमा पार्ने शक्तिबाट छुट्टयाउन सक्नुहुन्छ ।

       
    Downloads    
    Contact us    
    Webmaster