GT Bible Studies    

    Nepali    


Navigation Glad Tidings Bible Studies in Nepali

३६. स्वर्गको ढोकाहरू खोलिएका छन् २३:३२–४३



टिपोट: येशूको समयमा, डरलाग्दा अपराधीहरूलाई मात्र त्रूmसमा चढाइन्थ्यो । येशूसँगै त्रूmसमा टाँगिएका अपराधीहरूले पैसाको निम्ति कि त मान्छेलाई मारेको वा अन्य डरलाग्दो अपराध गरेको हुनुपर्दछ भन्ने अनुमान लगाउन सकिन्छ ।

१. किन यी दुई अपराधीहरूले कुन कारणले गर्दा चोरेका वा हत्या गरेका थिए होलान ? विभिन्न कारणहरू सोच्नुहोस् ।
  • यी दुई अपराधीहरूका पनि आमाहरू वा परिवारहरू थिए होलान । अब उनीहरूका ती परिवारहरूका दैनिक हालत कस्तो भएको थियो होला, कल्पना गर्नुहोस् ।
  • किन यी दुई अपराधीहरूले त्यो दण्ड पाउनुभन्दा अगावै आफ्ना अपराधहरूलाई छोडेनन् होला ?
  • हाम्रो आफ्नै तथा अरूका लागि हानिकारक साबित हुने बानीहरूलाई किन हामी रोक्दैनौं ?

    २. ती दुई अपराधीहरूले येशू क्रूसमा टाँगिनुभएको कुरालाई अरूभन्दा एकदमै निकटबाट देखे । येशूले बोल्नुभएको कुन वचन तथा कार्यद्वारा कसरी ती दुईमध्ये एउटालाई प्रभावित बनायो (३४–३८) ?
  • यी दुई मानिसहरू घृणा र प्रतिशोधको संसारमा जिइरहेका थिए । पद ३४ मा भएको येशूको प्रार्थनाबारे उनीहरूले के ठाने होलान ?

    ३. कुन कुराले एउटा अपराधीलाई आफ्ना पापहरूबाट सचेतन बनायो ?
  • हाम्रा आफ्ना पापहरूको प्रतिरक्षा गर्नुको सट्टामा, कुन कुराले हामीलाई त्यो स्वीकार गर्ने तुल्याउँछ ?

    ४. कुन कुराले गर्दा, दुई मध्येको एउटा अपराधीलाई येशू नै राजा हुनुहुन्थ्यो भन्ने कुरा स्वीकार गर्ने बनायो (३७,३८, ४२) ?
  • त्यतिबेला, अन्य राजाहरूका तुलनामा येशू कस्तो किसिमको राजा हुनुहुन्थ्यो ?


    ५. येशू नता राजा वा ख्रीष्ट नै हुनुहुन्थ्यो भन्ने निष्कर्षमा कसरी अर्को अपराधी आइपुग्यो ?
  • किन सधैँ नै साँचो विश्वास जाग्नुअघि पापबारेको सचेतना आउँदछ ?

    ६. पद ४२ मा हामी छोटो प्रार्थना देख्छौं: “तपाईं आफ्नो राज्यमा राज गर्न आउनुहुँदा, येशू प्रभु मलाई सम्झनुहोला ।” किन यो अपराधीले आफ्नो राज्यमा मलाई पनि प्रवेश गर्नु दिनुहोला भनी अनुरोध गरेन ?
  • सङ्कष्टमा हुँदा किन हाम्रा घनिष्ट व्यक्तिहरूका सम्झना हाम्रो निम्ति सान्त्वना बन्न पुग्दछ ?
  • नरकतिर आफ्नो गन्तब्यमा लम्किरहेको एउटा हत्याराले येशूद्वारा आफ्नो सम्झना गरिएको चाहना गन्यो । किन होला ?
  • कस्तो परिस्थितिमा यस प्रकारको प्रार्थनालाई तपाईं आफैले गर्नुहुनेछ होला ? कल्पना गर्नुहोस् ।

    ७. उक्त अपराधी कहिले बचाइएको थियो ?
  • त्यो अपराधीको पापहरू के भए ?

    ८. यो अपराधीको निम्ति इसाई जीवनको समयावधि भनेको केवल ६ घण्टा मात्र रह्यो । आफ्नो अन्तिम समयमा, के ऊ खुशी थियो वा दुखी थियो होला ?

  • के आफ्नो मृत्युशैयामा उसले कसैलाई घृणा गरेको थियो होला र ?
  • मानवीय दृष्टिकोणबाट हेर्दा, उक्त अपराधीले आफ्नो जीवनलाई नष्ट गरेको थियो । तरैपनि, उसको जीवन महत्वपूर्ण रहेको उसले प्रमाणित गर्न सक्यो । कसरी ?

    खुशीको सन्देश: आदम र हव्वापश्चात्, स्वर्गको ढोका सबै पापीहरूका लागि, बन्द गरिएको थियो । यतिबेला एउटा हत्याराको लागि पनि उक्त ढोका खोलिएको छ । तर, त्यतिनै बेला येशूको निम्ति उक्त ढोका बन्द भएको थियो र उहाँले नरकको ढोकाबाट प्रवेश गर्नुपरेको थियो ।


       
    Downloads    
    Contact us    
    Webmaster