GT Bible Studies    

    Nepali    


Navigation Glad Tidings Bible Studies in Nepali

५. आशाविहीन अवस्था ५:१–२०


पृष्टभूमिः यो खण्डमा भएको मान्छे सायद गैरइसाई थियो किनकि ऊ गालील तालको पूर्वतिर बस्ने
गर्दथ्यो । गैरइसाईहरूले सुँगुरहरू पाल्ने गर्दथे र खान्थे तर यहूदीहरूले त्यो कहिल्यै खाँदैन थिए ।
मानिसहरूमा दुष्टात्मा प्राय: मूर्तिपूजाको माध्यमद्वारा आउने गर्दथ्यो । बथान भन्नाले रोमी सेनामा
भएका ६,००० बराबरको सङ्ख्यामा हुने जवानहरूजतिकै हुन् ।


१. दुष्टात्मा लागेको उक्त व्यक्तिका नातेदारहरू थिए (१९) । उसको त्यस्तो डरलाग्दो दुर्भाग्यबाट
बचाउनको निम्ति उसका नातेदारहरूले कस्तो प्रयास गरेका थिए ?
  • यस्तो परिस्थितिमा उसका पत्नी, बच्चाहरू तथा अभिभावको अवस्था कस्तो थियो होला (३–५) ?
  • हाम्रो समयमा कस्ता मानिसहरूलाई यस खण्डमा उल्लेख भएजस्तै आशाविहीन अवस्था भनेर
    लिन सकिन्छ ?
    २. पद ३–७ मा कस्ता कुराहरू उक्त मान्छेले आफ्नै इच्छामा गरेको थियो भने, अन्य दुष्टात्माको
    शक्तिले उसलाई जर्बजस्ती गराएको थियो ?
  • येशूबाट यो मान्छेले के चाह्यो (६–७) ? (यो मान्छेको बानीमा कस्तो विपरीत कुरा तपाईंले
    देख्न सक्नुहुन्छ ?)
    ३. यो मान्छेले येशूबारे कुन कुरा उहाँलाई देख्नुभन्दा अघि नै थाहा गरेको थियो र उसले त्यो जानकारी
    कहाँबाट पायो (७) ?
    ४. एउटा मान्छेमा ६००० दुष्टात्मा प्रवेश गर्न सक्ने कारण के हुन सक्छ (९) ?
  • नदेखिएको संसारमा रहेको शक्तिको सरचनाबारे येशू र दुष्टात्माबीचको वार्तालापले के कुरा
    प्रकट गर्दछ (८–१३) ?
  • दुष्टात्माहरूको अनुरोधलाई किन येशूले स्वीकार गर्नुभयो र तिनीहरूले भनेजस्तै अनुमति
    दिनुभयो ?
  • यो बाइबल अध्ययनमा सायद त्यस्ता मानिसहरू छन् होला जो यस्ता दुष्टात्माहरू, भूतहरू वा
    अन्धकारका शक्तिहरूदेखि डराउँछन् ? त्यस्ता व्यक्तिलाई यो खण्डले कस्तो सान्त्वना दिन सक्छ ?
    ५. आफ्नो छिमेकी यसरी निको भएकोमा किन गनेसेरतका मानिसहरू खुशी भएनन् (१४–१७) ?
  • आजको समयमा २००० सुँगुरहरूलाई कति पर्दछ होला ?
  • यदि एउटा व्यक्तिलाई बचाउनको निम्ति येशूले तपाईंको सबै सम्पत्तिहरूलाई नष्ट गरिदिनुभयो
    भने, तपाईंले कसरी प्रतिक्रिया दिनुहुने थियो होला ?
    ६. यो मान्छेको जीवनमा कतिओटा कुराहरू परिवर्तन भए ?
  • येशूलाई भेट गरिसकेपछि, उसले त्यसरी कयौं वर्षसम्म गुफामा बिताएको समयबारे के सोच्यो
    होला ? (कसरी येशूले उसको जीवनलाई अवनतिबाट उन्नतितिर परिवर्तन गर्नुभयो ?)
    ७. किन येशूले उक्त मान्छेलाई आफूलाई पछ्याओस् भनेर चाहनुभएन (१८–१९) ?
  • उहाँले यहूदीहरूलाई प्राय: त्यसरी आफूले गरेको अच्चमको कामबारे अरूलाई नबताउने आज्ञा
    दिनुभए तापनि किन यस गैरयहूदी व्यक्तिलाई चाहिँ उहाँले त्यो बताउने आज्ञा दिनुभयो ?


    ८. पद १९ मा भएको शब्दहरू येशूले आज हामी सबैसँग बोल्नुहुन्छ । तपाईंको वर्तमान परिस्थितिमा
    तिनीहरूले तपाईंलाई के बुझाउँछन् ? (तपाईंले आफ्ना छिमेकीहरूलाई कुन महान् कुराहरू
    बताएको परमेश्वरले चाहनुहुन्छ ?)
  • यो पाठअनुसार, आशाविहीन अवस्थामा भएको व्यक्तिलाई तपाईंले कसरी व्यवहार गर्नुपर्दछ ?
    ९. येशूले शैतानसँगको प्रतिस्पर्धामा १०–० ले जित्नुभयो । त्यसो भए किन उहाँले कल्वरीको
    प्रतिस्पर्धामा आफ्नो मुद्दालाई हार्नुभयो त ?
    खुशीको सन्देश: अगुवाले यशैया ५२:१४ र ५३:३ लाई पढ्न लगाउन सक्नेछन् । गनेसेरेतको मान्छेको
    जस्तै अवस्था येशू त्रूmसमा रहँदा उहाँलाई भएको थियो । त्यतिबेला दुष्टात्माहरूलाई उहाँलाई सताउने
    अनुमति दिइएको थियो । उहाँले परमेश्वरसमक्ष हाम्रा सबै पापहरूलाई उठाउनुभएको कारण उहाँलाई
    त्यसरी सताइने अनुमति दिइएको थियो ।

       
    Downloads    
    Contact us    
    Webmaster