GT Bible Studies    

    Nepali    


Navigation Glad Tidings Bible Studies in Nepali

१०. एप्फाथा— खोलियोस् ७:३१–३७


पृष्टभूमिः यो खण्डमा भएको मान्छे बाल्यवस्थादेखि नै बहिरो तथा बोल्न नसक्ने थियो किनकि उसले
सानो बेलादेखि नै बोल्न सिकेको थिएन । परिणामस्वरूप उसले अरू मानिसहरूसँग कुराकानी गर्न
सक्दैन थियो । (त्यतिबेला अहिलेको जस्तो साङ्केतिक भाषाको विकास भइसकेको थिएन) । मसीहले
बहिरो र गूँगो मानिसहरूलाई सुन्ने र बोल्ने (३७) बनाउनुहुनेछ भन्ने अगमवाणीलाई यशैयाले ७००
वर्षअघि नै अगमवाणी गरेका थिए (यशैया ३५:५) ।
१. दिनहुँ तपाईंले सुन्ने आवाजहरू तथा बोलीचालीहरूबारे एकैछिन् सोच्नुहोस् । यदि तपाईंले कुनै पनि
कुरा सुन्न सक्नुहुन्न थियो भने, तपाईंको निम्ति सबैभन्दा कठिन कुरो के हुने थियो होला ?
सोच्नुहोस् ।
२.यो मान्छेको बाल्यवस्था कस्तो थियो होला ? कल्पना गर्नुहोस् । उसलाई सिकाउनको निम्ति,
खतराबाट जोगाउनको निम्ति तथा अन्य कुराहरू गराउनको निम्ति, उसका अभिभावकहरूले कस्तो
माध्यमलाई अप्नाएका थिए होलान ? उसका साथीहरूसँग उसको सम्बन्ध कस्तो थियो होला ?
तपाईंको विचारमा उसले आफैलाई (स्व:तस्विर) कस्तो ठान्दथ्यो होला ?
३. यसरी बहिरो व्यक्ति आफ्ना साथीहरूसँग बयस्क उमेरसम्म हुर्किंदा उसको दैनिक जीवन तुलनात्मक
हिसाबले कस्तो हुन्थ्यो होला ?
  • सायद यो व्यक्ति पनि केही पटक सभाघर तथा मन्दिरमा गएको हुनुपर्दछ । नदेखिने
    परमेश्वरबारे उसले तपाईंको विचारमा कतिको बुझेको थियो होला ?
    ४. यस मान्छेलाई येशूसमक्ष ल्याउने मानिसहरूका आशय के थिए ? विभिन्न सम्भावनाहरूबारे
    सोच्नुहोस् (३२) ।

  • यदि तपाईंले बहिरो मान्छेलाई येशूसमक्ष ल्याउनमा मद्दत गर्नुभएको छ भने, उसलाई किन र
    कहाँ लैजाँदै हुनुहुन्थ्यो भनी उसलाई कसरी तपाईंले बताउनुहुने थियो होला ? वर्णन गर्नुहोस् ।
  • भीडमा जानको निम्ति यस मान्छेको निम्ति किन अति नै कठिन भएको थियो ?
    ५. उसका साथीहरूले चाहेअनुसार त्यस मान्छेलाई किन येशूले निको पार्नुभएन (३२,३४) ?
  • किन उक्त मान्छेले कुनै आपत्ति जनाएन, बरु त्यसको सट्टामा अपरिचित रब्बीसँग नै ऊ गयो ३३) ?
    ६. येशूले प्रयोग गर्नुभएको आफ्नै किसिमको चार साङ्केतिक भाषा (पद ३३–३४) लाई उक्त व्यक्तिले
    कतिको हदसम्म बुझेको थियो होला ? सोच्नुहोस् । (उसलाई चङ्गाई गर्नुभन्दा पहिले स्वर्गतिर हेरेर
    येशूले यस मान्छेलाई के बताउन चाहनुभएको थियो ? उसले लामो सास किन तान्यो ?)
    ७. किन मर्कूसले येशूको चङ्गाईको शब्दलाई आफ्नो सुसमाचारमा सुरुआती भाषा अर्थात् अरामी
    भाषामा नै अभिलेखमा राखे (३४) ?
  • यस मान्छेलाई येशूले भन्नुभएको जस्तै नै शब्दलाई आज उहाँले तपाईंको अघि उभिएर
    तपाईंलाई पनि भनिरहनुभएको छ । एप्फाथा ! खोलियोस् ! यस शब्दद्वारा उहाँले के बुझाउन
  • खोज्नुभएको छ ? अन्य मानिसहरूसँग तपाईंले गर्ने संचारबारे सोच्नुहोस् । (तपाईंले मौन
    प्रकारले आफ्नो हृदयमा उत्तर दिन सक्नुहुन्छ) ।
    ८. सामान्यतया एउटा बच्चालाई कुनै भाषाको महत्वपूर्ण शब्द सिक्नको निम्ति तीन वर्षको समय
    लाग्छ । यो मान्छेले आँखाको निमेषमा नै यी सबै जानकारीहरूलाई कसरी पाउन सम्भव भयो होला ?
    ९. येशूको प्रत्येक अच्चमको कामले स्वर्गबारे कुनै न कुनै कुरा बताएको छ । यो घटनाबाट हामीले के
    सिक्न सक्छौं ?
    १०.येशूले यस अच्चमको कामबारे कसैलाई नबताउनु भनेर भने तापनि किन मानिसहरूले यसबारे
    बताइरहे (३६) ?
  • के आजको हाम्रो समयमा इसाई मण्डलीले जसरी अच्चमको कामहरूबारे विभिन्न संचारका
    माध्यमहरूद्वारा विज्ञापन दिन्छन्, सो कुरा फाइदाजनक छ ? आफ्नो विचार व्यक्त गर्नुहोस् ।
  • मानिसहरूले येशूको कुनचाहिँ कुरालाई बताएको उहाँले चाहनुहुन्छ होला ?
    खुशीको सन्देश: येशू त्रूmसमा चढ्नु हुँदा पिता र उहाँबीचको गहन संचार तोडिएको थियो । परमेश्वर र
    पापी मानिसहरूबीचको संचारलाई स्थापित गर्न येशूले यही नै मूल्य चुकाउनु परेको थियो ।

       
    Downloads    
    Contact us    
    Webmaster