GT Bible Studies    

    Nepali    


Navigation Glad Tidings Bible Studies in Nepali

१६. पृथ्वीमा धन १०:१७–२७


पृष्टभूमिः मत्तीका अनुसार यो मान्छे जवान थियो (१९ः२२) र लूकाअनुसार उनी समाजमा उच्च
ओहदाका थिए (१८:१८) । यो जवान राजनीतिज्ञले साँच्चिनै उनको जीवनमा धेरै सफलतालाई देखेका
थिए । यो कुरा टिपोट गर्नुहोस् कि ती दिनमा इस्राएलका कुनै पनि प्रतिष्ठित मानिसहरू नता कुद्ने
गर्दथे, नता घुँडा टेक्ने नै ।
१. तपाईंको विचारमा पद १७ मा वर्णन गरेझैं यो एक सफल राजनीतिज्ञले पनि किन त्यसरी
असामान्य प्रकारले व्यवहार गरे होलान ?
  • येशू नै परमेश्वर हुनुहुन्छ भनी उक्त मान्छेले विश्वास गरेनन् । त्यसो भए उहाँको प्रश्नको
    जवाफ उसले थाहा पाएको किन उहाँले अपेक्षा गर्नुभयो (१७ख–१८) ?


    २. आफ्नो जीवनभरि नै परमेश्वरको आज्ञाहरूलाई पछ्याए तापनि किन यस मान्छेसँग अनन्त जीवनको
    निश्चयता थिएन ?
  • किन हामी पनि प्राय: मरिसकेपछि के हुनेछ होला भनी सधैँ निश्चित भइरहँदैनौं ?
    ३. पैसा तथा स्त्रीको क्षेत्रमा धेरै राजनीतिज्ञहरूलाई ठूलो परीक्षा पर्दछ । तपाईंको विचारमा यी
    परीक्षाहरूमा आफू स्वच्छ रहेको कुरा कसरी यस मान्छेले बताउन सक्यो होला (१९–२०) ?
  • यो कुरा टिपोट गर्नुहोस् कि परमेश्वरको आज्ञाहरूलाई व्यवहारिकतामा मात्र नपछ्याएर, चिन्तन
    तथा बोलीहरूमा पनि पछ्याउनुपर्ने कुरा येशूले भन्नुभयो । तपाईंको विचारमा यो मान्छेले त्यो
    गर्न सकेको थियो होला र ?
  • तपाईंले यी आज्ञाहरूलाई पालना गर्नुभयो भनी के तपाईंले ईमानदारपूर्वक बताउन सक्नुहुन्छ ?
    ४. परमेश्वरसँगको सम्बन्धमा यो मान्छेले अझै पनि एउटा कुरालाई गुमाइरहेको थियो । त्यो के हुन
    सक्छ (२१) ?
    ५. कस्ता कुराहरूलाई प्राय: मानिसहरूले सम्पत्तिका रूपमा लिने गर्दछन् (२१) ?
  • यो जवान मान्छेको यस पृथ्वीमा दुई किसिमका सम्पत्तिहरू थिए । ती के थिए ?
  • कसरी हामीले स्वर्गमा धन थुपार्न सक्छौं ?
  • पृथ्वीको धनलाई स्वर्गको धनसँग तुलना गर्नुहोस् । भिन्नता के रहेका छन् ?
    ६. यो जवान मान्छेको हेरचाह गर्नुपर्ने वृद्ध अभिभावकहरू तथा परिवार थियो होला । यदि पद २१ म
    भएको येशूको आज्ञालाई उसले पछ्याएको भए, के हुने थियो होला ?
  • यदि तपाईं यो जवान मान्छेको परिस्थितिमा हुनुहुन्थ्यो भने, परमेश्वरले तपाईंको पत्नी,
    बच्चाहरू तथा अभिभावकहरूलाई वास्ता गर्न सक्नुहुन्छ भनी के तपाईंले विश्वास गर्न
    सक्नुहुन्थ्यो होला ?
  • यदि तपार्इंले आफ्ना सबै सम्पत्तिहरू तथा धनहरूलाई छाड्न तयार भएमा मात्र तपाईं उहाँको
    चेला बन्न सक्ने शर्त येशूले राख्नुभयो भने, तपाईंले के गर्नुहुने थियो होला ?
    ७. यदि कुनै पनि शर्तबिना नै येशूले यस व्यक्तिलाई आफ्नो चेलाको रूपमा बोलाउनुभएको भए के हुने
    थियो होला ?
  • पद २१ अनुसार येशूले यस मान्छेलाई हेर्नुभयो र उसलाई प्रेम गर्नुभयो । त्यसो भए उक्त
    व्यक्तिले उहाँलाई छोडेको भनी किन कठोर वचन बोल्नुभयो होला त ?


    ८. यस व्यक्तिले जब आफ्ना सम्पत्तिहरू छोड्न सक्दैन भनी थाहा पायो, तब यस मान्छेसँग कस्ता
    विकल्पहरू थिए ?
  • यदि उक्त व्यक्तिले आफूले परमेश्वरलाई भन्दा पनि बढी पैसालाई प्रेम गर्ने कुरा स्वीकार गर्दै
    त्यसबाट उहाँसँग क्षमा मागेको भए, तपाईंको विचारमा येशूले कसरी प्रतिउत्तर दिनुहुने थियो
    होला ?
    ९. येशूले उक्त धनी मान्छे र पत्रुसलाई दिनुभएको प्रतिउत्तरलाई तुलना गर्नुहोस् (२७) । किन ती पूर्ण
    रूपले फरक छन् ?
  • छलफल प्रश्न: पृथ्वीमा आफ्ना सम्पत्तिको मोहमा बाँधिएको कुनै एउटा व्यक्तिलाई परमेश्वरले
    बचाउन सम्भव होला ?
    खुशीको सन्देश: यस पृथ्वीमा आउने क्रममा येशूले आफ्नो सम्पत्ति र वैभवलाई त्यागिदिनुभयो ।
    पृथ्वीको सम्पत्तिहरू तथा मूर्तिहरूको मोहमा बाँधिएको कारणले दण्ड पाएझैं उहाँलाई त्रूmसमा चढाइयो ।
    तपाईंलाई थाहा छ उहाँलाई किन त्यसरी चढाइयो भनेर ? (१७)

       
    Downloads    
    Contact us    
    Webmaster