१७. को प्रधानमन्त्री बन्न सक्नेछ ? १०:३२–४५
पृष्टभूमिः याकूब र यूहन्ना भनेका जब्दीका छोराहरू तथा गालीलमा भएका धनी माछुवालाहरू थिए ।
पत्रुससँगै उनीहरू येशूका घनिष्ट चेलाहरूमध्ये पर्दथे । येशूले एक पटक याकूब र यूहन्नालाई बज्रका
छोराहरू भनी भन्नुभयो । सताइन र मारिनको निम्ति अब यरूशलेमतिर लागिरहनुभएको थियो । यो
घटनाभन्दा अघि नै उहाँले दुई पटक आफ्नो मृत्युबारे घोषणा गरिसक्नुभएको थियो ।
१. याकूब र यूहन्नाले येशू किन यरूशलेममा जाँदै हुनुहुन्थ्यो होला भनी सोचे ?
येशूले पद ३३–३४ मा गर्नुभएको अगमवाणीलाई यी भाइहरूले किन गम्भीर प्रकारले लिएनन् ?
२. याकूब र यूहन्नाले अघिबाटै येशूमा विश्वास गरिसकेका थिए, तरैपनि, उहाँ सङ्कष्टमा परेर
मारिनुहुनेछ भनी उनीहरूले विश्वास गरेनन् ।
यदि कुनै एउटा व्यक्तिले येशू मर्नुपर्ने आवश्यकतालाई देख्दैन भने, उसले उहाँबाट तथा इसाई
विश्वासबाट के अपेक्षा गरिरहेको हुन्छ ?
३. येशूको राज्यमा उच्च ओहदालाई हासिल गरिसकेपछि, तपाईंको विचारमा जब्दीका छोराहरूले के
गर्न चाहन्थे होलान ?
हाम्रो संसारमा, ओहदाप्रतिको प्यास किन यतिको प्रचुर मात्रामा देखिन्छ ?
तपाईंले आफ्नो परिवार वा काम गर्ने स्थानमा आफ्नो सामथ्र्य वा प्रभावलाई कसरी प्रकट
गरिरहनुभएको छ ?
४. बाइबलीय भाषामा कचौराले सङ्कष्टलाई सङ्केत गर्दछ । यदि ती दुई भाइहरूलाई उहाँ आफै
चढ्नुभएको त्रूmसको दाँया र बाँयाको स्थान प्रदान गर्नुभएको भए, तिनीहरूले कसरी जवाफ दिने
थिए होला (३८–३९) ?
तपाईंलाई जस्तो किसिमको शक्ति र जिम्मेवारी सुम्पिदिएको छ, त्यसको एउटा अंशस्वरूप के
तपाईंले सङ्कष्टलाई पनि स्वीकार गर्न इच्छुक हुनुहुनेछ होला ?
५. येशू तथा आफ्ना छिमेकीहरूसँगको सम्बन्धमा याकूब र यूहन्नाका पाप के थियो होला ?
६. यो परिस्थितिमा, जब्दीका छोराहरूसँग किन बाँकी १० चेलाहरू रिसाएका थिए ?
इसाईहरूबीचको झगडा तथा किन त्यस्ता झगडाहरू देखिन्छन् भन्ने सन्दर्भमा हाम्रो पाठले
हामीलाई के सिकाउँदछ ?
७. एउटा अगुवाको निम्ति येशूले यहाँ देखाउनुभएको आदर्शमय कुरा कसरी क्रान्तिकारी रहेको छ (४२–
४४) ?
नेतृत्वको निम्ति आदर्शमय उदाहरण भनेको येशू आफै नै हुनुहुन्छ, तर हाम्रो समयमा आजका
कति इसाईहरूले त्यो नमूनालाई अभ्यास गर्दै आइरहेका छन् होला ?
पद ४३–४४ मा भएको येशूको शिक्षालाई तपाईंले कतिको हदसम्म पछ्याइरहनुभएको छ ? तपाईंले आफ्नो मनमनै जवाफ दिन सक्नुहुन्छ) ।
८. येशू तथा याकूब र यूहन्नाबीच कस्तो भिन्नता रहेको छ ?
९. येशूले सेवक वा दासको कामलाई कहिले र कसरी गर्नुभयो (४५) ? (उत्तर यो खण्डभन्दा बाहिरबाट
आउँछ) ।
छुटकाराको मोल भन्नाले एउटा दास जसलाई किनिएको र त्यसपछि स्वतन्त्र पारिएको छ भन्ने
बुझाउँछ । पद ४५ लाई पुन: एक पटक पढ्नुहोस् र तपाईंले आफ्नै जीवनमा अप्नाउनुहोस् ।
कुन कुराबाट येशूले तपाईंलाई किनेर स्वतन्त्र पार्नुभयो र त्यसको निम्ति उहाँले कति मूल्य
चुकाउनुभयो ?
खुशीको सन्देश: येशूले तपार्इंको निम्ति दिनुभएको सेवालाई तपाईंले स्वीकार गर्नुहोस् भन्ने उत्कट
इच्छा राख्नुहुन्छ । तपाईंलाई दिइएको सामथ्र्यको दुरुपयोग गरेको पापको साथसाथ सबै किसिमका
पापहरूबाट तपाईंले क्षमादान पाउनुभएको होस् भनी उहाँले चाहनुहुन्छ ।
Downloads
Contact us
Webmaster