GT Bible Studies    

    Acholi    


Navigation Dul me 1.NYWAKO LOK ME KWENA MABER EN ANGO?

PE DONG DAKO AYE Marako 5: 25-34


NGEC MA ORUMO LOK MAN: Ma lubbe ki cik pa Moses Dako ka neno kwer/ nyo dwe nongo tye kome ki keni, i kit me dini. Pe giye ni ngat mo ogud kome nyo kit gin mo keken ma en ogudo kome ki cinge. Cik bene pe ye bote ni omyero en odony i ot ka ma giworo iye Lubanga. (Lulevi 5).(LOK ANGEYA: ka ineno ni kit two macalo man pe gitwero nywakone ma lubbe ki cik me tekwarowu ci omyero ibwot wang dul man ci i cit anyim i wang dul mukene.)
1.Dako ni onongo dong mwakane romo pyeradeknyo pyerangwen,Ci twoni omake ma onongo en pud tye matidi. Ngo ma adwoki me two man okello bote lubbe ki kit me kwo me bedo kacel ki lwak (25)? (Ngo ma adwogi me two man okello bote ka obed onongo dong ginyome/ nyo pud pe ginyome?
  • Ngo ma adwoki me Mede meoyo pa remoni twero kelone ikome?
  • Ngo ma kit two macalo man kello i kitma en neno kwedekome pirekeken?
    2. Ngo ma in itamo ni dakoni obedo ka tamone i kom Lubanga i kare ma two man dong omake ma pud mwakane tidi ni?
  • Kit yo ma nining ma omiyo winyene ikin en kiLubanga gwokca olokke kwede ikare ma dong two ori ikome pi mwaka mapol?
    3. I ceng 26 waco ni dakoni ikare mukato angec onongo tye ki lwak limme mapol. Tam kong pi kit yo ma patpat ma en obedo kwede ka onongo ki centene, dok onongo kit yo ango ma en oyubo ni ebi tiyo kwede ki limme.?
    4. Wan waniyang ni daktare ma gitiyo pi lok kom konyo Mon onongo pud pe gitye ki ngec maber tutwal. Pi gin ango ma omiyo pire obedo tek bote me moko tamme neno ni ebedo ma kome yot ci omiyo en olanyolimme bot Ludaktare mapol ma en bene ngeyo ni gipe ki ngec maber me tic ikom mon (26)?
  • In itamo nining kit ma dakoni obedo ka par kwede i lokkom ludaktare mapol ki lucang dano ma patpat ma lubbe ki kit kwo ma onongo en dong tye iyeni?
  • Apokapoka ngo ma tye i kin Yecu ki Lucang dano mukeneni (26-28)?
    5. Dakoni obedo ki gen ma nining i kom Yecu i kare ma dong en oneno lwak lewic mapol ki bot lucang dano mukene-ni, ni kaen egudo dog bongo pa Yecu ci ebi cang maber (27-28)?
  • In ada in itye ki gen macalo dako man-ni Yecu twero cobo peko marac ma itye kwede ducu? Pi gin ango nyo pe pi gin angone?
    6. Pi gin ango ma omiyo dakoni pe openyo kony ki bot Yecu kit macalo jo mukene gipenyeni (28-29)?
  • Pi gin ango ma omiyo dakoni oyero me gudo dog bongo pa Yecu ma calo yo maber me cange?
    7. Yecu kono ongeyo nining ni ngat mo acel ogudo bongone (30-32)?
  • Pi gin ango ma omiyo Yecu pe oweko dakoni ocit paco labongo loko lok mo bote (30-32)?
    8. In itamoni dakoni otamo nining ikare ma owinyo Yecu penyo peny i ceng (30)?
  • Kit gin ango ma dako ni oneno ki i wang Yecu ikare ma olokke ka neno wang Yecu atir ni (32)?
    9. Dakoni onongo pe oyubbe me loko lok mo kekenbot Yecu kadi ki acel: In itamo ni gin ango ma en obedo ka waco-ne (33)?
  • In ada iwaco bot Yecu, lok mapol me ada ma a ki i kwoni?
    10. Ceng 34 gitwero gonyo tyen lokke i yo ariyo" Niye ni ocangi" nyo "Ni niye ni otyeko laro in" pi gin ango ma omiyo Yecu mito ni ewac lok man bot dakoni?
  • Pi gin ango ma omiyo Yecu olwongo dakoni, ni nyara akadi onongo obedni mwaka ma megi rom aroma (34)?
    PENY ME LOK ME KWENA MABER: Yecu bene kome odoko ki keni i karema gipwode kun remone mol ki i kome ikare ma gigure i kom yatariya. Ngat mo keken ma ogudo kome bene odoko ma kome ki keni. Man aye wel ma Yecu oculo me Laro dakoni ki laro in bene.
    ***

       
    Downloads    
    Contact us    
    Webmaster