GT Bible Studies    

    Acholi    


Navigation Dul me 1.NYWAKO LOK ME KWENA MABER EN ANGO?

"EPPATA" "TYEN LOKKE NI YABBE" Marako 7:31-37


NGEC MA ORUMO LOK MAN: Laco matye i wang dul man en onongo ite oding wa con ikare me tino-ne,pien en pe twero lok. Me adwogi-ne, en pe twero lok i kingi ki ngat mo keken. (Ikare ca macon ni onongo pe tye kit ngec me lok ki jo ma doggi oto ki luding it meno leb ma gicimo kwede piny acima- ci miyo gitwero niang). Icaya otito inge mwaka 700 ma okato angec ni Meciya bibino ci en biyabbo it ludingit ki jo ma dogi oto.(37, Icaya 35:5)
1.Kong ipo ki iwi lwongo kit dawn ango ma ibedo ka winyo-ne ki idye ceng matin. Ngo ma onongo itamo ni twero bedo tek boti ka obedni pe itwero winyo kit gin mo keken?
2. Kong ipo kit ma kwo me tino pa Laco man obedo kwede. (Kit yo ango ma lunyodone gutimo me pwonye, me gwoke ki i gin marac, me weko en oti? Kit winye ngo ma obedo ikin en ki rok wade? In itamoni en obedo ka neno kwone nining?
3. Por kong kit kwone me Nino ducu, kit ma en pe winyo kwede lok ki i kin rokwade itamo-ni en odongo nining?
  • I kare mukene bene nongo laco man olimo kacokke nyo ocito i ot Yakalu pa Lubanga pi kare mo manok. In itamoni enoniangnining i kom Lubanga ma pe nen-ni?
    4. Kit yub ango ma onongo tye i cwiny jo ma gukello laco man bot Yecu ni? Tam pi kit yo mapol ma romo twere-ne (31-32)?
  • Ka obed ni in aye ma onongo imito kello laco man bot Yecu, kit yo ango ma onongo i twero titone kwede bote, ka kwene ma imito tero en iye? Ki dok pi gin ango?
    5. Pi gin ango ma omiyo Yecu pe ocango laco man kit ma lureme openye iyeni (32-34)?
  • Pi gin ango kono ma omiyo laconi pe okwero wot ki lapwony ma en bene pe ngeye (33)?
  • Pi gin ango ma omiyo Yecu otamo me tero laconiwa cen ki ka kom lwakki (33)?
    6. I kit yo ma nining ma in itamo ni laco man oniang lanyut angwen ma Yecuobedo ka timone bote i ceng 33-34?
  • Ngo ma Yecu onongo mitoni laco man onge i kare ma en ogudo ite, ki lebe, ma kun en neno malo i polo ma pud laco man pe ocang?
  • Pi gin ango ma omiyo Marako ocoyo kit leb me cange man i leb pa jo Aramaic i Evanjelio-ne (34)?
    7. Ngo ma weko bedo tek boti me winyo ngo ma dano teme me waco ne boti kadi obedni in iwinyo lok maber i kare mukene?
  • Yecu ocung ka nyimi kombedi, En waco boti ni "Eppata! Yabbe," yabbe boti. Tyen lok ango ma omiyo en tye ka wacone: Tam kit ma ilok kwede ki dano mukene (Itwero gamo peny man ki icwinyi)
    8. Kare ducu tero mwaka adek ma owek latin opwony tyen lok ma tekke ileb megi maber. Otwere nining bot laco man, me niang kit lok ducu calo wang ma tye ka lokkelitubek-tubek (35)?
    9.Tangu paYecu ducu tito botwa gin mo me polo. Ngo ma wapwonyo ki i gin mutimme eni?
    10. Pi gin ango ma omiyo dano gimedde ki tito pi tangu man kadi obed Yecu openyogi ni pe gitit pire (36)?
  • Ngo ma Yecu mito ni dano gutit bot luremgi pien?
  • In itamo gin ango: Ada opore bot lwak me Kenica pa Lubanga ikare man me yweko pi cang-nge wa i Radio?
    PENY ME LOK ME KWENA MABER: Lok i kin Yecu ki Wonne ocung ikare ma gingabo Yecu malo iwi Yatariya, ki Lubanga odingo ite pi winyo koko ne.Lubanga kare ducu winyo dano ma kite tye atir, ki Yecu onongo tye labalo ma loyo ducu i wang cawa cani,pe pi balle ento pi balwa. Bedo ling pa Lubanga nyuto ni Yecu onongo tye ka kubbo lok i kin wan ki Lubanga ma kite atir.
    ***


       
    Downloads    
    Contact us    
    Webmaster