GT Bible Studies    

    Acholi    


Navigation Dul me 1.NYWAKO LOK ME KWENA MABER EN ANGO?

YECU ORWATTE KI LUTIM MARACU ARIYO: Luka 23:32-43


NGEC MA ORUMO LOK MAN: Iker me loc pa jo Roma. Giguro dano ikom yatariyamenu onongo gitimo bot latim marac ma kato ducu. Wan watwero tamo ni joariyo man gin lubal dok gibedolunek dano pi lok kom yako lim.Meciya (nyo Kricito)onongo obedo nying Kabaka pa Lujudaya ma onongo gitye ka kuro encakke wa ki ikare ma i Cik macon.
1.Dano twero bedo ki Yomcwiny ka en goyo dano mukene ki odo onyo ki lebbe?
  • Pi gin ango ma omiyo danowa ma ikare ni guminne itimo gin marac ki dok bene cwinygi bene bedo yom ka giyako dano mukene?
    2. Tam kit tyen lok mapol ma omiyo co ariyo man gicako megi timo tic maracni-cakewa ikare me tinogi?
  • Anga ma onongo twero juko jo ariyo man owek gibwot kit tic marac ma gibedo ka timone ma onongo pud pe gidoko marac tutwal?
  • In itwero loko kwoni ka iniang ni gin ma itye ka timone ni tye ka wano komi ki jo mukene?
    3. Luyak ariyo ni gineno kwo pa Yecu ma onongo gitye malo cok kwede makato jo mukenegu ducu. Lokke ki ticce mene ma omiyo gibedo ki ur-tutwal. (34-38)?
  • Pi gin ango ma omiyo Yecu pe mitoni elweny inyim Wonne ma tye i polo ikom jo ma gitye ka uno en (34)?
  • Itwero lega pi lamoneni, marac, ma kato ducu-ni Lubanga tim kica bote, pien en pe ngeyo kome kit marac ma en tye ka tima kwede (34)?
    4. Nong ki i wang dul:ngo ma lwak, luloc, ki lumwony pa jo Roma, ki layak acel onongo giwoo kwede pire i kom Yecu (34b-39)?
  • Pi ngo ma omiyo danoni ducu gingalo Yecu pire (35-39)?
  • Pi gin ango ma omiyo lurem Yecu pe gubino ka konye?
  • Ngo ma onongo itwero waco-ne ki timone ka obed ni in aye ma icungu ite Yatariya?
    5. Ngo ma oweko layak acel omoko tame ni Yecu en Kabaka ki dok ni-en tye ki kerre [pire kene (37-38,42)?
  • Por kit Yecu ma tye ikom Yatariya ki Kabaka mukene me lobo man. Kit apoka poka ango madit ma tye i kin gi?
  • Ngo ma omiyo layak acel omoko tame-ni Yecu pe tye dok Kabaka keken ci en Lubanga (40-41)?
    6. Lutim marac mapol pe giye ni gitimo bal. Ngo ma omiyo layak acel oye ni ngolo kop me to ikomgi tye ma oporo kit ticgi pien gipwodogi pi bal ma gutimo (41)?
  • Pi gin ango ma omiyo layak acel pe oye i kom balle akadi obed en tye i kit kare macalo meno?
  • Anga ki i kin luyak ariyo man, ma in iniang maber ikome: Ngat acel ma oye pi balle nyo ngat acel ma pe oye balle ni?
    7.Ceng 42 tye iye lega macek tutwal: "Po pira" pi gin ango ma omiyo pire tye tek bot wan dano me po pi dano ma wamaro ikare ma ka en tye ka nongo can?
  • Pi gin ango ma omiyo layakacelpe openyoatir ni wek giye bote ni edony i ker pa Yecu?
    8. Ngo ma layak otamo ikare ma en owinyo lagam ma Yecu ogamo bote (43)?
  • Pi gin ango ma omiyo Yecu oye bot layak me donyo i paradic nyo ipolo?
  • Awene ma in itamo-ni laco ma labali ocako ye i kom Yecu? Nyut wang ceng meno.
    9. Po kong i kom cawa me agikki ma latim bali oye kwede Yecu. En mono onongo cwinyeyom nyo pe cwinye yom ikom wang cawa meno ducu?
  • Gwok nyo min laconi, Dakone, nyo latin pa layak man ocung ite Yatariya. Kit lapor ango ma laco man obi weko bot luode?
  • Kit caden ango ma laco man obwoto bot Yalwak ma bino, ki jo ma kwano lok man ki i Baibul?
    PENY ME LOK ME KWENA MABER: Dogcel me Paradic onongo tye ma oyabbe bot luyak, ci ento Yecu ki kome aye omyero kong odony ki i dokcel me ka piny, ma ka ka pa luyaki. In itamo ni ilego lega ma rom ki ma layaki olegoni? "Yecu po pira" ka itimo kumeno, en miyo boti lagam aceli, Nino mo acel i bibedo kweda i Paradic. (Itwero gamo ne ki icwinyi).
  • (Bot dano ducu omyero gigam) Ngo ma pire tek ma i pwonyo ki i nywako wang dul ma i Baibul man?
    ***



       
    Downloads    
    Contact us    
    Webmaster