LOK ME KWENA MABER KI KIT ME KWEDO LOK KI I BAIBUL
Print all lessons
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
YUCEPU KI MALIAM: MATAYO: 1:18-25
NGEC MA ORUMO LOK MAN: Latela omyero okwan lok kama leng ki i Buk pa Luka 1: 26-38. Ma lube ki Cik pa Moses: Tongo Keny onongo rom calo tweyo nyom, ki bedo labongo gen maber i kare me cuna bene pwod tye iye, ma gicelo dano ki got. Butu kacel ikin Laco ki Dako ma pud pe ginyome bene pe ber. (NawayoCik 22).
LOK ANGEYA: Lapeny ma gitono ma coli, itwero penyone ka ineno ni ngat mo pe ma ogamo peny ma olubo kor wade.
1. Gin ango ma nyuto ni Yucepu obedo ki biyak ni Maliam obwolo en (18-19).
• Gin ango ma onongo in itamo ni obedo tek tutwal bot Yucepu ikare menu?
• In itamo ni Maliam otito bot Yucepu pi lim pa Lamalika? Ka pe, pi tyen lok ango? Ka ni eyo, pi gin ango ma omiyo Yucepu pe obedo ki niye ikom Maliam?
2. Pi tyen lok ango ma omiyo Yucepu pe oculu gin marac ki doto Maliam ki luode kadi obed ni ma lubbe ki Cik onongo en tye ki twero me timone?
• In itamo ningning kit ma Yucepu owinyo kwede malit icwinye i kom Maliam ikit kare ma gitito pire i wang dul (18-19).
3. Pi gin ango ma omiyo Lubanga pe ocwalo Lamalaika i nino meno kikome ma En ocwalo kwede Lamalaika bot Maliam ni. (20)? Pi gin ango ma omiyo gitemo kwede mar pa Yucepu i yo matek kit macalo menu?
4. Nywale pa nyako ma pe ongeyo laco tyen lokke nyuto ni nyodo mo oa ki woko odonyo i Kom Maliam. Dong ka kwene ma Yucepu twero ye kwede pi nywale pa nyako ma pe ongeyo Laco, kadi obed ni kit gin macalo man pwod pe otime i ododo ma i wii Lobo ducu. (20-23)?
5. Pi gin ango ma in itamo ni Nywale Pa anyako ma pe ongeyo Laco bot lupwony lok pa Lubanga irwom ma malo tye gin acel ma ye kit lokke tek tutwal?
• I kit yo ma nining ma ye i kom lok me nywale pa nyako ma pe ongene ki laco rom aroma ki tam ma watye kwede i kom Lubanga?
6. Pi gin ango ma onongo pe romo twere bot Yecu me laro lwakke ki i bal ka obed ni en Wod pa Yucepu ki Maliam?
• Tam kong bal ma itimo ma cwinyi tye ka ngolo kop iye i komi kare ducu, ka ikwan (Ceng 21). Odoco, ka iket nyingi ka ma loko iye ikom lwakke: In Iye ni wang dul man tye ada ka i kwano i yo macalo man?
7. I kit yo ma nining ma Yucepu ogwoko kwede kome ma en pe ogudo Maliam ma en maro kadi obed ni gin gubedo i ot acel (25)?
8. Twero bedo-ni ngat mo keken obedo ka tamo ni, Latin ma Maliam tingo ni menu Latin pa Yucepu. In itamo ni Yucepu ada oteme me bedo agonya ki i kom adot me goba ma gidote kwede i nyim watti pa Maliam?
• Pi gin ango ma Lubanaga pe oyero ngat mo mapat ci ento Oyero Yucepu me bedo won pit pa Wode?
LOK ME KWENA MABER: Twero bedo ni Yucepu Oto ma onongo pud peya Yecu ocako tiyo ticce: Ci ento, en ongeyo gin ma pire tek ma lubbe i kom Wode ma en opito; Ni en bilaro lwakke, ma tye iye wone ma ogwoko en ki i balgi.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA TYE IWANG IT JON 4:5-19
NGEC MA ORUMO LOK MAN: Jo Camaria gin dano ma remogi orube oweko Lujudaya pe giworogi. Ka obedo-ni Dako man obed ikit me Cik Macon, man nyuto ni en olako Co mapol Mwaka ki mwaka,
1. Pi gin ango ma omiyo in itamo ni Dakoni ocito ka twomo pii ki dye Ceng, ma ka ocit ikulu ki otyeno ma calo Cik me tekwarogi tye kwede, calo Mon mukene me Cyikar? In itamo nining kit ma dako ni obedo ka tamone ki i cwinye kit ma en woto kwede i wang pii pire kene nino ducu?
• Angagi matwero konyo Dako ni me wot kwede?
• Kit gen ki lworo ma nining ma itamo ni Dako ni obedo ka kanone pi kwo mere me anyim?
2. Mene ma tye matek makato ducu: Me bwoto Co abic ma emarogi kare ki kare, Onyo myero gibwot en aye tyen abic? Mii Tami !
• Ngo ma in itamo, ki kit ma myero obed kwede, me Cako winye ki Laco tyen me abicele, ki Co ma dong onyome?
• En twero dok iye nining makun onongo en dong okwalo Wegi lotino ma i kin gang Kenyu?
3. In itamo nining kit ma Dako ni obedo ka tam kwede ki i cwinye ikome kene kene, ikom Co ducu i lok ma dok ikom Mar?
4. Jo Lujudaya ma Co pe gilok ki Mon ki i kin lwak, dok bene pe gilok ki dako mo keken ka gitye gin ariyo keken. Pi gin ango ma omiyo Yecu pe obedo ki lworo, mo ni gibi kwoto En?
• Pi gin ango ma omiyo Yecu ocako ki kwayo kica ikare ma gilok ki Dakoni (7)?
5. I kit yo ngo ma omiyo Dako ni pe oniang lok ma Yecu oloko i ceng (10)?
• Ngo me aryo ne onongo tye ka neko Dakoni pire me nongone?
• Ngo kono me oryo ne tye ka neki pire ikwoni? (Itwero gamo ne ki icwinyi)
6. Kwan lok ma i Ceng 14 macalo lok pa Yecu, ma oloko, Kun kemo in keni. Tyen lokke tye boti nining i kit kare ma in itye iye eni?
• Kit Dano ne tye macalo ngo, ma tye ki wang it me pii mekwo, ikwone/ icwinye?
7. Pi gin ango ma omiyo Yecu ogamo kwac, pa Dakoni ma Kun owaco ni: “Cit ilwong Cwari ci idwok kany” (15-16)?
• Ngo ma onongo twero time ka Yecu otit, ceng 18 bot Dakoni i yo atir labongo nywako kwede lok ma iwang ceng 16-17?
• Pi gin ango ma omiyo Yecu mito ni enyut balwa ma pud pe omiyo botwa pii me Kwo?
8. In itamo nining kit ma Dako ni olwodo kwede ki icwinye ikare, ma en oniang ni Yecu ngeyo kit kwone ducu?
• Dako ni kono oniang nining ni ma ka cayo en, ci ento Yecu dok obedo ka gwoko en aye?
9. I Kare menu ma Yecu gitye ka nywako lok kacel ki Dakoni, Onyute atir bote ni En aye “Meciya’’ (En ma gilwongo Kricito); Lok ada ma en okano mung-nge ki bot Dano mapol. Pi gin ango ma in itamo ni En otimo man (25-26)?
10. Nen i ceng 28-30. Adwoki me ticce ngo ma onen ka maleng ma obino ikwo pa Dako man ma nyuto ni en dong Ojolo pii me kwo ki bot Yecu? (Dako ni kono kite olokke nining pi timo bal ma en obedo ka timone ni? Wat i kin en ki jo Gang ma en bedo iye ni?
LOK ME KWENA MA BER: Yecu okok ki iwii Yatariya: “Ni oriyo pii neka” (19:28) Won wang it me pii me kwo myero olim arem, dok wek oryio pii me kome ki tipu oneke, menu gin ma omiyo en oculo pii me kwo ma en otyero pi kwowa pi nino ma tin.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MEGO MA PE LAYEYO. MATAYO 15:21-28
NGEC MA ORUMO LOK MAN: Jo Kanaan onongo gibedo lumone pa jo Lujudaya: Turo ki Cidon onongo tye ka mabor ma romo mairo 45-60 tung yo i Galilaya. Yecu onongo pe mito ni ngat mo onge wotte loka nam kunu. (Marako 7:24) Latela myero otit lok ada ma dok ikom Kabaka Daudi (22)
1. Kong i tam kit kwo ma Dakoni kwo kwede pi nino ki nino. Makato kit kwo me wat i kin en ki jo mukeke, Nyare, Won-ode, lotino mukene, Jirani-ne, ki mukene ma pol ata.
• Ngo ma Mego enni tye kwede ka doto kome kene?
• Anga-gi ma tye mege ikarewa me nino ma tin, dok anga ma tye ki lwak can madit dok malit tutwal i cwinye kit ma obedo ikom Dako man?
2. Dako ma Lakanaan man onongo dong tye ki ngec muromo ikom gin mo ma pud Lujudaya ma pol pe gingeyo pire, (me nyutune ka maleng ni Yecu En wod Pa Daudi (22). In itamo ni Dako man ongeyo ada nining?
• Pi gin ango ma omiyo Dakoni ocako ki kwayo kica pire kene (22)?
3. Lagam adek ango mukwango ma Yecu odok iye bot Dakoni pi koko me kwayo Kony (23-26)?
• Kare ducu Yecu jolo dano ma tye ki can mapol bote. Pi gin ango ma omiyo en pe ojolo Dako man i wii gwokke?
• Ngo ma in onongo i twero timo ne, ka obed ni Yecu otim kit gin aceli ma en otimo bot Dako man?
4. Lukwena pa Yecu kono giwinyo nining i cwinygi i kom Dako ma Lakanaan ki i kit kare macalo menu (23)?
5. Mego ma Lakanaan ni kono otamo nining i kom Yecu kit ma en neno gitye ka kwere kwede (23, 25, 27)?
6. In itamo ni ngo ma otime icwiny Yecu ikare me en pe ogamo lok inyim Dako ma tye ka neno canni?
• Pi gin ango ikare mukene ma miyo Yecu bedo laling ma nongo watye ka koko kony ki bote?
• Pi gin ango ma omiyo gitemo niye ma mewa ducu ki acel acel?
7. Yecu opako niye pa jo aryo keken. Teme me nongo kit kwo pa jo mapol ma gitye ki niye ma dit macalo pa Dako man kit mo keken ma twere (28)
8. Nining ma gitamo kare ducu ni ngat mo tye ki niye madit i cwinye pire kene?
• Latele myero okwan Marako 7:30. Mego ma pe layeyo man kono onongo niye madit nining ma en bene pud pe oneno tangu otimme?
• I kit kare ango ma wamito niye madit?
9. Ngo acel keken onongo ma Yecu mito timone ma omiyo En Ocito iwotte i loka nam?
LOK ME KWENA MABER: I kom yatariya Yecu obedo ki niye i kom Lubanga ma kato lingnge, (Jabuli 221-2, 24) Niye pa Yecu onongo rom aroma ki pa Dako me Kanaana ni ikit yo acelni. Apoka poka madit ikin kare ca-ni keken ne Lubanga aye ma obedo laling pi akemo ne, pe pi mare.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
NYOM KI KET NYOM MATAYO 19:1-12
1. KETO NYOM 1-9
• Pi gin ango ma omiyo Luparicayo giduro lwak peny mapol i lok kom keto nyom (3)?
• Ngo ma jo mapol ma ikare man gitamo pi keto nyom?
• Ma lubbe ki lok pa Yecu ngo ma time ka dano aryo dong gunyome (5-5a)?
• Latela myero okwan Nwayocik 24:1. Ngo ada ma Moses ocikko ki ngo ma en oye iwang dul man? Pok kin lokke kacel ki ma Luparicayo gigonyo kwede tyen lokke (7)
• Ma lubbe i kit pa Yecu, cerolok ango ma tye i kit me nyom pi kare me kwo me nyom (4,5,6,8,9)
• Pi gin ango ma omiyo in itamo ni bedo labongo winye en aye tyen lok acel ma omiyo Yecu oye ni nyom myero oketi (9)?
• Ngo ma bitimme ikin dano ma keto nyomgi, ci dok gimede ameda ki nyomo Mon mukene miyo nyom dong doko calo jami ma konye pe?
2. ROCO NYOM ODOCO 9-10
• Por wang ceng 8-9 ki Matayo 5:32. Ngo ma Yecu opwonyo ma lubbe ki nyom tyen me ariyo ma nongo nagt acel ma giketo nyom ikingi pud tye makwo? Cung inwag dul man pe ingak cen.
• Latela myero okwan 1 Corinto 7:10-11, ka Jo Roma 7:2-3, Ngo ma Paulo opwonyo ma dok i kom nyom tyen me ariyo ma kun nongo ngat acel i kin jo ma guketi nongo pud tye kwo?
• Pi gin ango ma omiyo Lukwena, gigamo dok gimoko i pwony ma Yecu opwonyogi kwede (10)?
• Pi gin ango ma in itamo ni pwony pa Yecu ki pa Paulo i lok kom nyom tyen me aryo okeme ki to, dok bene wa i kin Lokrictayo ma i kare ma mewa man?
3. BEDO LABONGO NYOM 11-12
• Tyen lokke ngo, ma ginywalo ngat mo ma gikolo?
• I kit yo ango ma jo mukene weko dano mukene gibedo labongo nyom?
• Tyen lokke ngo ma ni jo mukene oketi itic, wek ngat mo pe onyome pi ker me polo?
4. JUNGO LOK:
• In itamo ni dano twero bedo ki kwo ma ber labongo cobo miti me kom? Mi tammi.
• Ngo ma lubbe ki lok pa Yecu man, pire tek makato ducu bot Lukricitayo me limo yomcwiny?
• Ber me lok man tye bot angagi, ma omiyo Yecu tye ka keto Cik matek ma lubbe i lok kom winye, ony ribbe ikin Laco ki Dako?
• Ngo ma bitime bot ngat ma pe olubo Cik ma Yecu omiyo iwang dul man bitimo?
• Ngo ma itamo ni bitime bot dano ma kite pe tye atir, dok kite pe rwatte ki lok ma a ki i Baibul? Ka en okwero gin ma tye atir ma Yecu tye ka pwonyone i wang dul man?
LOK ME KWENA MABER: Latela okwan Jon 8:4-11.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA OKELLO LEWIC IKOM CAWARE JON 8:4-11
NGEC MA ORUMO LOK MAN: Ma lubbe ki Cik pa Moses, jo ariyo, Laco ki Dako ka gimakogi ka timo abor myero gicelgi ki got nio wa ito. (Lulevi 20:10). Jo Roma, gin aye ma gitye ki twero me lok me neko Dano atyer ikare ma giloyo jo Icarael.
1. Ngo ma weko ngat mo timo tic abor? Tam kit yo ma patpat.
• Kong itam kwo pa Dako ni i nge ma en onongo (‘’lamar en manyen’’) Kit Yomcwiny ango ma en onongo? Kit arem ngo ma winyegi man okello ikwone?
2. Ngo ma itamo ni bedo adwogi marac ka ngat mo gimako ikom tic me timo abor?
• In itamo nining kit ma dako ni otamo kwede i kom lareme i nge timo abor ma dong laco menu oweke kene inyim dano?
• Ngo ma in itamo ni obedo matek makato ducu ikare meno bot Laconi, ma keti en gwok ca bene onyome?
3. Dano onongo gitye mapol iwang cawa menu. Tam kong kit ma jo mukene gibedo ka winyo ne icwinygi pi abor ma gutimo, dong ma kato ne ducu pwod me to: Cwar dako, lotinone, lunyodone (Ka obed ni onongo pwod gitye makwo)? Ngo ma Dako pa lareme ni otamo ikom Dako ma otimo abori, ki lotion ne?
• I kit yo ma nining ma in itamo ni lakit tic macalo man otimo pi balo anyim pa lotino pa jo ma gimakogi ka timo tic abor man?
4. Dako ni kono owinyo nining icwinye ikom Yecu ikare ma gikele inyime (3-5)?
• In itamo ni Dakoni otime nining i kom lok abor ma en otimo iwang cawa menu?
5. Pi gin ango ma omiyo Lujudayo gucwalo Dakoni inyim Yecu kadi obed gingeyo ni lok me ngolo kop me to twero-ne tye bot Luroma kene?
• Pi gin ango ma omiyo Yecu pe ogamo ni ngat mo pe ki twero me canyo Dako ni ki got, ci ento en owaco botgi ngo ma tye i ceng 7?
6. Pi gin ango ma omiyo in itamoni ludot Dakoni guweko kabedo odong kene kit ma gitito kwede i ceng (9)?
• Pi gin ango ma omiyo Yecu pe mito neno kit ma lokke tiyo kwede i kom jo ma gitye kwedegi ni ci ento en okule woko piny ka coc i ngom?
7. Pi gin ango ma omiyo Yecu, dok en kene, aye ma tye ki twero me ngolo kop me to i kom Dako-ni?
• Pi gin ango ma omiyo Yecu pe olubo kit ma Cik pa Moses tiyo kewde ki kany?
• Ngo ma otime i kom pwod pa Dako man, ma omyero onongo en olim can, i kare ma en obalo yomcwiny pa Dano mapol?
8. Pi gin ango ma itamo ni Dakoni pe oa woko ki inyim Yecu ma onongo En Okule ka coc piny tyen me aryo kadi obed ni onongo twero timone (8-9)?
• Awene ma in itamoni Dakoni ocako ye ni balle dong giweko woko? Gitimo iye Kica?
9. Pi gin ango ma in ilwodo ki i cwinyi ni Yecu mito ni ewac lok ma i ceng 11 bot Dako ni?
• Yecu bene waco lok ma i ceng 11 ni boti: Tyen lokke tito ngo i kwoni i kare ma itye iye kombedi?
LOK ME KWENA MABER: Wan pe gitito botwa ngo ma Yecu ocoyo piny ingom. Twero bedo ni en otiyo maclo langol kop kun ocako coyo lok me pwod pi dano ducu ma gitimo abor. i kare ma en okule piny tyen me aryoni onongo gitamo ni bimedo lok mukene kit acelli “An abi neno can gibi pwoda ma kaka en”
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MATYE KENE MARAKO 5:25-34
NGEC MA ORUMO LOK MAN: Ma lubbe ki cik pa Moses Dako ka neno kwer nongo tye kome ki keni, i kit me dini. Pe giye-ni ngat mo ogud kome, nyo kit gin mo keken ma en ogudo kome ki cinge. Cik bene pe ye bote-ni omyero en odony i ot ka ma giworo iye Lubanga. (Lulevi 5).
1. Ka obed ni Dako ma tye idul man mwaka ne romo pyeradek, nyo pyerangwen, Ci two omake ma onongo en pud tidi. (Ngo ma adwogi me two man okello bote ka obed ni onongo dong ginyome, nyo pud pe ginyome?
* Ngo ma adwogi me mede me oo pa remo okello ikome?
* Ngo ma adwogi me two macalo man kello i kom ngat ma tye ka two pirekeken?
2. Ngo ma in itamo, ni dako man obedo ka tamone i kom Lubanga i kare ma two man omake ma mwaka ne tidi?
* Kit yo ma nining ma omiyo winye i kin en ki Lubanga olokke kwede ikare ma dong two ori ikome pi mwaka mapol?
3. I ceng 26 waci ikare mukato angec dako man onongo tye ki lwak jamine mapol. Tam Kong pi kit yo ma patpat ka kwene ma en onongo centene ki iye, dok kit yo ngo ma en onongo oyubo ni ebi tiyo kwede ki lime.
4. Wan waniang ni daktare ma gitiyo pi lok kom konyo Mon onongo pud pe gitye ki ngec maber tutwal. Pi gin ango ma omiyo pire obedo tek bote me moko tamme me nenoni ebedo ma kome yot ci omiyo en olanyo limme bot Ludaktare mapol ma en bene ngeyo ni gipe ki ngec maber me tic ikom mon?
* In itamo nining kit ma dakoni obedo ka par kwede i kom ludaktare mapol ki lucang dano ma patpat ma lubbe ki kit kwo ma onongo en dong tye iyeni (26)?
* Apoka poka ngo ma tye i kin Yecu ki Lucang dano mukene-ni?
5. Dakoni obedo ki gen ma nining i kom Yecu i kare ma dong en oneno lwak lewic mapol ki bot lucang dano mukene- ni ka egudo dog bongo pa Yecu ci ebi cang maber (28)?
* In ada itye ki gen macalo dako man-ni Yecu twero cobo peko marac ma itye kwede ducu i yo mayot?
6. Pi gin ango ma omiyo dakoni pe openyo kony ki bot Yecu kit macalo jo mukene gipenye-ni?
* Pi gin ango ma omiyo dakoni oyero gudo dog bongo pa Yecu ma calo yo maber me cange?
7. Yecu kono ongeyo nining ni ngat mo acel ogudo bongone?
* Pi gin ango ma omiyo Yecu pe oweko dakoni ocit gang labongo lok kwede?
8. In itamo ni dako ni owinyo nining icwinye i kare ma owinyo Yecu openyo peny i ceng (30)?
* Kit gin ango ma dakoni oneno ki i wang Yecu, ikare ma olokke ka neno wang Yecu atirni (32)?
9. Dakoni onongo pe oyubbe me loko lok mo keken bot Yecu kadi ki acel: Ci ento i agikine en otito bote lok ducu ma icwinye. Ngo ma en obedo ka wacone (33)?
* In ada iwaco bot Yecu, lok mapol me ada ma oa ki ikwoni? Ka pe, Pi gin ango kono?
10. Ceng 34 gitwero gonyo tyen lokke i yo aryo" Niye ni ocangi" nyo "Ni niye ni otyeko laro in" pi gin ango ma omiyo Yecu mito ni ewac lok man bot dakoni?
* Pi gin ango ma omiyo Yecu olwongo dakoni-ni nyara akadi onongo obed ni mwaka ma megi rom aroma?
LOK ME KWENA MABER: Yecu bene kome odoko ki keni i kare ma gipwode kun remone mol ki i kome ikare ma gigure i kom yatariya. Ngat mo keken ma ogudo kome bene odoko ma kome ki keni. Man aye wel ma Yecu oculo me Laro Dakoni ki laro in bene.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
YECU KI LOTINO MARAKO 10:13-16
NGEC MA ORUMO LOK MAN: I kare pa Yecu-gi cani onongo lotino awobe gidoko lumember me lwak pa Lubanga ma nongo gin pud nino aboro keken. Ma kun nongo latin bene pud pe giworo ki i kin lwak. Leb Lu Greek lwongogi-ni “Pais” menu kit me gilwongo ki latin ki i wang dul man, twero bedo ni latin me mwaka mo keken, ma tye iye bene lotino lukere.
1. Ka ineno latin-ni onyo pa jo mukene ma ingeyogi, twero bedo yot onyo tek boti me ye ni Ker me polo tye pi kit lotino macalo gin? Pi gin ango? Onyo pe pi gin ango? Mii Tami
2. Tam pi tyen lok mapatpat, pi gin ango ma omiyo Meggi lotino man mito kello lotinogi bot Yecu? Ma gin bene lotino matino, ma bene pe gitwero niang lok ma Yecu Waco.
* Ka obed ni in kikomi ma ikel latin-ni bot Yecu, pi gin ango ma omiyo itimo calo menu?
*Pi gin ango kono ma omiyo megge mukene ikare cani, dok bene ikarewa matin, pe gikelo lotinogi bot Yecu?
3. Pi gin ango ma omiyo Lukwena pe gibedo ki yomcwiny ikare ma gikelo Lotino bot Yecu?
4. I ninowa eni kello lotino bot Yecu tyen lokke ni kello gin wek giwiny Lok ma a i Baibul.Pi gin ango kono ma omiyo lunyodo ma gin Lokricityo kare mogo pe gitye ki gen ni, lotiongi owiny lok ma a i Baibul ki igangi, ki i gang kwan me ceng Cabit, ki ribbe ikem me Kenica ki mukene mapol ata?
5. Pi gin ango ma omiyo donyo i ker me polo bot Latin tye ma yot ma loyo pa ludongo?
6. I kit yo ma nining ma Latin twero gamo mot ma pat ma kato pa ludongo?
* I kit yo ma nining ma Latin twero ye mot madit: Laremgi Yecu ki latim kica pi balgi? Ngo ma ladit timo kono?
7. Tam Kong ker ma tye pi lotino matino keken: Apoka poka ne bedo nining ki me lobo man? (Kit ma gigwokogi kwede, tic ma gitimo botgi, ki mukene mapol ata)?
*Ngo ma wang dul man pwonyowa pire pi ker pa Lubanga?
8. Yecu owaco iwang dul man-ni: Ka pe kitwu obedo atir makato kit Lupwonycik ki pa Luparicayo, “ci pe wubidonyo i ker me polo”. (Matayo 5:20). Kany en ocikke-ni kadi, lotino bene dony kunu. In itwero kwedo te lok me anyoba nyoba man nining?
9. Lutino ma Yecu omiyo botgi gum i odiko ca-ni, dong gudoko ludongo inge mwaka mapol. Twero bedoni mukene i kingi gidoko lotion maber, mukene pe gudoko dano mabeco tutwal, mukene gudoko luyomcwiny, mukene pe gibedo ki yom cwiny. In itamoni gum ma gilimo ki bot Yecu ni twero bedo ikwogi pi naka naka? Ka kit menu, ngo ma ginongo tye iye?
*Tyen lok me gum ma Yecu omiyo ni ngo bot mege lacen, ikwo me anyim, ma ka lotinogi orwatte ki peko mapol i kwogi?
LOK ME KWENA MABER: Gwokca megi lotino man gitamo ni “Yecu pe wiye obi wil ikom latin na ma en olonyo” In bene itwero geno en i kit yo aceli, ka en obino bot latin ni.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA ORWENYO LATINE ACEL KEKEN: LUKA 7:11-17.
NGEC: Dano lwongo Yecu-ni Lanebi madit pien gin wigi po i kit ma Elia ki Elica gicero Latin pa Dato acel ki i Cik Macon (16)
1. Tam kit yo mapol pi gin ango ma omiyo Dano mapol gicit i ot to (12)?
2. Tam kong pi kwo pa Dato ni. En tye ki Latin acel keken ma kun jo mukene, onyo ngat acel acel Mito lotino mapol iyo mo keken ma gitwero. Ngo ma in itamo ni obed maber i kwo pa Luot man matidi ni ikare ma Won Latin pud tye makwo?
* Ngo ma otime marac tutwal bot Dako ni i kare ma Won ode Oto?
3. Kit tam ango ma obedo tye bot mego man i kare ma en tye ka pito latine pire kene ni?
4. Ngo ma itamo ni megoni obedo ka tamone i kom Lubanga i kare ma en tye ka wot ki inget canduk me to pa Wode?
5. I cawa ma latin awobi man oto Yecu onongo tye wa i Kaperenaum, i boma ma romo mairo 40 wa i Nain (7) to-ni otime inino menu kikome. Pi gin ango ma omiyo Yecu omito ni e-ok i to i diceng menu ki kome kadi obed ni en omyero owoti, wot mabor dok oyot oyot?
* Pi gin ango ma Yecu mito ni ekony Dato man ma kun en bene pe okwayo kony ki bote?
6. I kit kare ango ma ibedo ka tamo ne ni kony pa Lubanga pe twero ok boti i wang cawa ma imito?
* Wan watwero bedo ki jing cwiny nining ni kony pa Yecu pe twero bino botwa lacen?
7. Pi gin ango ma omiyo Yecu owaco bot mego ma tye ka koko ni (“Pe ikoki”)?
*Yecu bene tin owaco boti ni “Pe i koki” tyen lokke ngo ma omiyo en timo kuman?
8. Yecu ocero latin awobi ma oto ni nining?
9. Tyen lokke ngo ma Luka owaci: “Yecu omiyo latin awobi ni cen bot mine” (15)?
*In itamo nining ni kit gin ma otime man okelo wat ikin mego ki Wode?
10. Wonwa me polo bene, oneno wode acel kene ka gitinge gitere ilyel. In itamo ni arem ne onongo lit tutwal makato ducuu, onyo nok makato pa Dato-ca woko?
* I ceng 16 owaco ni Lubanga obino ka konyo lwakke. Pi gin ango ma omiyo En pe okonyo Wode ikare ma En tye ka to?
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA LABALO ORWATTE KI YECU: Luka 7:36-50
NGEC: I Cik me tekwaro man, pe opore bot Dako matwal me nyuto yer wiye wek ginen, ki i kin lwak. Ceng 44-46 Kwedo kit ma welo awora gijolo kwede in dye gang.
1. Ngo ma omiyo Laparacayo Cimon otami ikom Yecu ma en ojole i ode (36, 39, 44-46)?
*Pi gin ango ma omiyo Cimon ojolo Yecu i ode mukwongo?
2. Dano ducu ngeyo Dakoni, pien en obedo latarwang me Boma (37). Tem kong ilwod kwo pa Dakoni ikare ma en tye ka dongo malo. Nga ma in itamoni omiyo en odoko latarwang? Tam yo ma patpat ma romo twere ne.
*Kit ngec ango ma Dakoni olimo ma lubbe ki lok ma dok ikom Mare?
3. Adomo moo ma ngwece kur onongo welle tek tutwal. Tam kong kit yo mapatpat. Pi gin ango ma Dakoni okano lim, ka dok owilo adomo moo menu?
4. Pi gin ango ma omiyo dakoni mito ni omyero en erwatte ki Yecu? En kikome oniang ni pe gitwero jole i ot pa Laparicayo! Ngo ma omiyo dakoni obedo ki niye, ni Yecu pe biketo lewic iwiye?
5. Pi gin ango ma omiyo Dakoni mito gudo Yecu?
*Ngo ma time ka ngat mo ogudo wan ki gin marac, onyo gin ma in ikwero?
*Ngo ma otime ikare ma Dakoni ogudo Yecu?
6. Ngo ma omiyo Dakoni okok twatwal ma omiyo tyen Yecu odiyak ki pig wange?
7. Ngo ma in itamoni obino mukwongo ki bot Dako man: Niyene ikom Yecu onyo mare bot Yecu? Mi tammi ma lubbe ki wang dul.
* Ka in ikare mo iwinyo ki icwinyi ni imaro Yecu ki cwinyi ducu otimme ikit kare mene?
8. I ceng 41-42, Yecu obolo carolok ikom ngat mo ma lami banya Dinari miya abic rom ki wel cul me Mwaka acel. Dinari pyerabic rom ki welcul me dwe Acel. Bal giporo ki banya. Ngo ma Yecu mito pwonyone bot Cimon ma lubbe ki ododo man?
* Bal pa Cimon onongo ango, ma Yecu tye ka tito pire i carolok man?
9. Ngo ma otimme ibanya me bal ma Dakoni tye kwede bot Lubanga?
* Ngo ma otimme ibanya me bal ma Cimon tye kwede bot Lubanga?
* Pi gin ango ma omiyo Cimon pe omaro Yecu?
10. Yecu aye ma tye ki ngec me bali ducu, en waco boti kombedi lok ma gicoyo i ceng 48, ki 50. Ngo ma in igamo bote?
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MARITA KI MALIAM ANGA MA BER. LUKA 10:38-42
NGEC: Ka ma Mon tye iye i kare paYecu gini pe rom ki ma kombedi ni. Ikin jami mukene ma tye iye Mon pe giribbe kacel ka nywako wang dul ma i Baibul kacel ki Co.
1.Ngo ma i tamo ni omyero inong ka icito ka limo laremi?
*Yecu ki lupwonyene gibedo cen nino ducu. Ngo ma in itamo ni gimito ni ginong i bedogi i gang pa limego maggi?
2. Tam kong kit pa Marita ki Maliam, kit ma gibedo ka lok kwede i kingi pi lim ma Yecu olimogi kwede. Mene ma tye yot boti me niang, ka dok pi gin ango?
3. Watwero neno peko pa Marita ki iwang ceng 40. Menu obedo ngo?
*Ngo ma omiyo Marita obedo ka yele pe pi lamine keken?
*I kit kare macalo mene ma itwero wacone bot Yecu-ni “Rwot in pe iparo”?
4. Ngo ma omiyo Maliam obedo ka tamo pi Cam me otyeno?
*Pi gin ango ma omiyo Yecu otamo ni tem tem Marita aye ma obedo ka winyo pwonye?
5. Lokrictayo mukene gimito tic bot Yecu makato winyo lok dwane. Pi gin ango?
*Ngo ma nyuto botwa atir ni winye ikin dano aryo pe ber, ka nagt acel ikin wade pe tye ki miti me winyo lok ngo ma ngat acel mukeneni mito wacone?
6. Tyen lokke ngo (ma omiyo Yecu owaco botgini “gin acel keken ma mitte” (42)?
*In iyeni winyo lok pa Yecu keken aye gin ma in imito ikwoni nio wa i wang to?
7. Pi gin ango ma omiyo Yecu mito ni iwiny lokke kare ducuc?
*Ngo ma bitimme botwa ka wawinyo lok pa Yecu i kare mukene, ci ento pe ikare mukene?
*Ka kwene ka dok nining ma watwero winyo lok pa Yecu ininowa ma tin?
8. Ka wayero me timo gin moni, tyen lokke nyuto ka maleng ni wayero me bwoto gin mukene ma pe wamito timone ni bene. Ngo ma pire tek ma omyero waweki obedi, owek omi botwa cawa me kwano Baibul, ki cito i kacokke pa Lokricitayo?
9. Anga ma in itamoni Yecu maro makato, Marita onyo Maliam?
*Ceng mene ma itamoni Yecu tye ka wacone boti kikome tinni: 41, onyo 42?
10. Gin acel keken ma mitte ikwo, ki i to en aye winyo lok pa Lubanga. Pi gin ango ma omiyo Yecu pe owinyo ikare ma gingabe malo ikom Yataria?
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA NGEYE OGOM. LUKA 13:10-17
NGEC: Kacokke obedo ka ma Dano Ribbe iye iceng abicel ka winyo lok pa Lubanga: Mon gipe ki twero me loko lok ma dok ikom dini. Gin bene onongo i kare mukene gicung acunga, onyo gibedo piny inge kom. Pe wangeyo ngo marac ma otimo nge Dako man. Ento nen calo rom ki two ma gomo Dano.
1.Kong ipar pi kit kwo me kare ducu ma Dako man obedo ka tuti kwede pi Mwaka aparaboro kulu ki goro me kome.
* In itamo nining kit ma jo mukene gitamo kwede ikom Dako man ma ngeye ogommi (14)?
2. Ka idoko lagoro i kare me tino-ni, ngo ma in itamo ni bedo tek boti tutwal?
* Ka ni i bedo lagoro ma onongo in pud latin matidi, ngo ma itwero tamone i kom Lubanga ma oye ni kit gin macalo man myero otime?
3. Ka Yecu tye ka ryemo cen i kom jo ma cen marac yelogi en loko ki cen atir. En pe otimo kany kit menu man nyutu ni Dako man cen marac pe ikome. Tyen lokke ngo ma omiyo Yecu mito nyutune kany ma en owaco ni Catan aye ma otweyo Dako man (16)?
*Kit gin ango ma twero tweyo wan dano ma miyo pe wakwo kwo mupore?
4. Dako ni pe obino i Kacokke ni wek enong nicang. Ngo ma en obino pire?
* Tyen lokke ngo ma omiyo Dako ni mito winyo lok pa Lubanga kadi tyen acel i ceng Cabit?
5. Pi gin ango ma omiyo Dakoni pe openyo Yecu pi kony? Kel tammi mapatpat.
* In itamo nining kit ma en owinyo kwede i cwinye i kare ma Yecu olwonge ni obin i nyim lwak dano mapol?
*Ngo ma omiyo en otimo, ngo ma Yecu openye ni otim?
6. Ma lubbe ki wangdul man, ngo ma konyo dano ma i kine yo acel, onyo mukene ma Catan otweyogi? (Cung iwang dul man keken)
7. Tyen lokke ngo ma omiyo Yecu olwongo Dako man ni “Nyar Abraim”? Tam kit Yo ma patpat ma twere (nen pi Abraim iceng 28)
8. Tam pa Yecu obedo nining i kom Dako man, ma oppoke woko ki i kom Dako pa lalo ot Kacokke?
*L alo Kacokke oparoni en eye i Lubanga, ngo ma Orem i niyene?
*Ngo ma obedo ka tweyo lalo Ot Kacokke?
LOK ME KWENA MABER: Catan otemme me tweyo Yecu kikome, ki mucumari i kare ma gigure kwede i kom Yatariya. Menu en aye pingo ne kombedi twero mayowa woko ki i kero pa Catan, makatone jo ducu ma gimito bedo agonya.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
DAKO MA PE LOKO TAME LUKA 18: 1-8
NGEC: Mon i kare pa Yecu gi-ni pe gidoto ngat mo i lukiko, onyo pe gibedo Caden. Wadigi ma Co aye timo gin macalo menu. Ma kato lok ma lubbe ki pido inyim lukkiko. Dato man pe tye ka nongo kit kony macalo man. Dok bene nen calo Wadine ma Co giteme me mayo gin aleya pa lotinone woko ki bote.
1. Po kong i kare ma in i kok pi kony ki bot Lubanga deceng ki dye wor. Pi gin ango ma omiyo bedo yot twatwal me bwoto lega woko i wang cawa macalo menu (1 ki 7)?
2. Po Kong pi kwo pa Datoni. Tek kwo mene ma en obedo ka limone i kare ma en tye ka pito lotinone ducu pire kene?
3. Ngo ma weko jo mukene bedo rom ki langol kop ma tye i Carolok man: Ma en pe lworo Lubanga kadi paro pi Dano ni (2)?
*Pi gin ango ma omiyo Yecu oporo Lubanga ki Langol kop ma kite pe atir?
*In mono i kare mo i bedo ka lwodo lok ki icwinyi ni Lubanga pe tye ka timi maber, pe ngolo kop atir? Ka tye, i kare mene (awene)?
4. Dato-ni obedo ki gen ni langol kop ma kite pe atiri twero konye. Pi gin ango?
*Nining kono ma watero bedo ki gen i kom Lubanga, i agikine en bikonyo wan ki jo ducu ma marogi ki maro wan?
5. Ngo ma otyeko timme i cwiny Dato man ma onongo obedo ka kok pi kwayo kony kare ki kare?
*Ngo kono ma time i cwinywa ka wabedo ka lega pi gin mo pi kare malac ci ento nongo Lubanga gak mere laling?
6. Tyen lokke ngo ma Yecu tye ka mitone ki i ceng (7-8)?
7. Yecu bene yam ocung inyim langol kop. Ngo ma nen ma rom aroma ki apokapoka ma tye i kin kare aryo man, ma megge ki pa Dato ni? (Pe inen ki iwang dul ti ki adam wii)
*I kit yo ma nining ma omiyo lega pa Yecu opoke ki pa Dato man (3)?
*Pi gin ango ma omiyo ngolo kop pa Yecu obedo pat ki pa Dato ni?
*Ngolo kop pa Lubanga i kom Yecu tye atir onyo pe Atir?
8. Ngo ma wang ceng 8b tye ka lokone i Carolok man?
9. Ngo ma Carolok man pwonyo in keni keni i lok kom lega (1, 5, 7, 8)?
LOK ME KWENA MABER: I kare ma Pilato ongolo kop me to i kom Yecu en obedo langol kop ma kite pe atir. Ci ento ikare ma wang cawa pa Lubanga Oromo me ngolo kop i kom Yecu wek en oto onongo obedo kite atir, pien man otime pi weko bali, balwa, ducu giketo i kome iwang cawa menu.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MOT PA DATO LUKA 21:1-4
NGEC: Tye cikke mapol pi Mon to ki lotino Kic i Cik Macon, me laporne, Jabuli 10:14, 17, 18, ki 68:5. Labongo kalo akala, Dato ma wakwano pire ki i wang dul man bene tye i kin Cikke man. Mot ma gibolo i Ot Pa Lubanga onongo gitiyo kwede me gero ot pa Lubanga, ma obitum inge to pa Yecu, Mwaka me loc pa Rwot. (AD) 63 ka dok gituro otte odoko obur i Mwaka AD 70. Inge Mwaki maromo (40) pyerangwen ma lok eni otime iye.
1. Pi gin ango ma omiyo dano mapol gimiyo motgi i kit me Dini ducu?
*Marako aye ma oweko wangeyo ki i wang dul man ni jami me tyer bedo ka maleng (Marako 12:41).
*Kit adwogi ango ma ka ngat mo miyo mot weko dano mogo nongo gineno mot ma en bolo ni?
*Ngo ma onongo Dato ni twero timone ka obed en onge ni Yecu tye ka nene?
2. Lojudayo ma i kare ca pe gitye ki kit me gwoko kuc maber dok bene pe giye ni Mon oti tic ma woko mapat ki i di gang. Kong i par ni in irwenyo Won odi kun i tuti ki teki me gwoko lotino ikit kare man: Ngo ma itamo ni bedo tek boti twatwal ma pe iromo mako ne?
* Ka kono ni iket komi i kaka ma giloko pire malo kanyi, bot anga? Onyo pi ngo ma weko in imiyo centeni me agiki?
3. Ngo ma weko Dano mo miyo mic bot Lubanga, ka itye ki gin-ni mo ma odong manok keken ma omyero in ikwo iye (4b)? Tam kit yo mapatpat.
4. Ka obedni Lubanga aye ma odi Dato man ni en omi centene me agiki-ni. Ngo ma onongo en tamo i kom Lubanga macalo menu?
* Niye pa Danoo ary man opoke nining ki i kom wade? Ngat ma omiyo mot bot Lubanga ki dwoko pwoc, pi ngo ma Lubanga otimo bote, ki ngat mukene ma mere omiyo mot ma kun geno ni ebinongo Magoba mo kibot Lubanga?
5. Niye pa Datoni tye calo kit ango?
* Dato man kono oniang nining ni Lubanga aye ma gwoko lotino-ne?
* Ada in bene iye ni tye tek bot Lubanga me gwoko lotino- ni, i kit ma nongo jami tye kwede?
6. Ngo ma Dato-ni ogamo ki bot Lubanga?
* Ngo ma in kono i nongo ki bot Lubanga (por ki Dato man)?
7. In itamo ni lotino pa Datoni gicito ka nino labongo camo gin mo i otyeno menu? (Mii tami)
* Gin mene ma itamo ni tye ma romo wano kom lotinoni, likwayoni. Gin myero ginen Can, onyo ni myero ginong jami ducu ma gimito gibed kwede?
8. Ngo ma Lubanga mito ni imi bote, onyo bot jirani ma tye ka limo can? Itwero gamo peny man ki i cwinyi.
9. Ngo ma Datoni oweko bot lotinone macalo gin aleya?
* Por gin aleya ma lalonyo ma tye i wang dul man oweko bot lotinone ki ma Datoni oweko.
* Ngo ma imito makato ducu ni iwek bot lotinoni ka dong ito?
LOK ME KWENA MABER: Bal ma megwa giporo ki wel cente ma tye i Baibul. Alip Apar me ryeko me mic, ngat acel acel ma pe twero culo banya man gibi bole woko i mabuc (menu ka piny). I kare ma Yecu mito gonyo wan ki i banya ma pe cule en ojalo jami-ne ducu cen, jami ducu ma onongo en kwo iye. Ki remone kikome.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MOT PA MALIAM ME AGIKI: MARAKO 14:1-9
NGEC MA ORUMO LOK MAN: Latela omyero otit lok macek kit ma wang dul man pwonyowa kwede lok i kom Maliam me Betania, Luka 10:38-42, Jon 11, ki Jon 12:1-11. En pe Dako ma tye i buk pa (Luka 7:36-50). Lunyodo pa Marita, Maliam ki Lajaro onongo dong guto woko. Twero bedoni onongo nene gin guweko cente me konyo lutinogi ikare ma ka dong gin gidongo, nyo me konyogi i kare ma ka dong gimito nyome kwede, gwok nyo me konyogi pi kare ma ka dong guti. Meno obedo i kare me agikki me Cabit ma Yecu obedo kwede i lobo.
1.Kit mic ango ma in imito miyone bot laremi ka ingeyo ni en dong cok to woko?
* Yecu onyuto kany kit to ma en ebito kwede. (8)? In itamo ni Maliam wa ki lulub kor Yecu mukene gingeyo ni Yecu dong cok cito ka to woko? Kel tyen lok mapol.
2. Me wilo adomo moo nard ma welle dwongi, onongo rom ki wel cul me tic pi mwaka acel kulu. Meno aye gin ma omiyo kare mukene gitono tyen acel keken. Wel moo man twero bedo nining ikit me wel cente ma megwa ma ikare matin?
* Twero tero kare ma romene owek ngat mo okan wel cente ma romone?
* Kit ma Maliam owilo adamo moo man, kit tam ango ma Itamo ni en obedo ka tamone pi wel luk ma giculo ikore, ki wel ma omyero gicule kwede inge tic ma en obedo ka tiyone?
3. Pi gin ango ma omiyo maliam oonyo moo ducu ki i adamo moone iwi Yecu, ma ka tonone atona ma nok?
*Tyen lok-ni "Meciya" ki "Kricito"ni "Dano ma giwiro". Kabaka pa Lujudaya ducu giwirogi ikare ma giketogi me bedo i Kom. Pi gin ango ma omiyo Yecu pe giwire ikare ma en ocako ticce ci ento wa ikare ma en dong cok to?
4. Maliam otiyo ki lime ducu pi wilo adomo moo. Ngo ma dano gutimo ikome ma obalo cwinye twatwal (4-5)?
* Cul me mwaka aceli onongo gitwero tic kwede i kit yo ma nining owek gikony ki lucan ma gibedo i boma menu (5)?
5. Ngo ma oilo Cwiny Maliam makato ducu icwak ma Yecu ocwake kwede (6-9)?
* In twero kwanyo lok ma Yecu waconi iketo ikwoni, kekeni: Maliam/ "En otimo gin ma en twero" (8)?
* Ngo ma in itwero timone bot Yecu ocake kombedi ocito kwede anyim?
6. Ngo ma Maliam otimo tye rom aroma ki ma Yecu otimo (menu en aye To-ne i kom Yatariya, "kwena maber" iceng (9)?
* Mene ma in itamoni obedo macalo "lanyo jami" madit makato ducu: Ni Maliam oonyo moo ma welle tek ityen Yecu, nyo Remo pa Yecu ma oo pi bal pa Maliam?
7. Ngo ma obedo mapat i kwo pa Maliam ma onen mapat, ma gipo pire nakanaka (9)?
* Kit gin ango ma in imitoni ibwot angec wek gipo kwede piri ikare ma ka dong ito (9)?
8. In itamoni Maliam obedo ka tamo kit tam ma nining ikare ma en "obalo cente-ne"me wilo moo bot Yecu ni?
* Maliam opwonye me maro Yecu twatwal kono nining?
* Wan kono watwero pwonye nining me maro Yecu, kit ma Maliam omaro kwede Yecu-ni?
LOK ME KWENA MABER: Maliam opwonye me maro Yecu ikare ma en obedo piny ka tyene ka winyo lokke. Meno aye gin ma omiyo en otamo pi timo gin ma mitte ikarene ki kome. Maliam mukwongo Kong obedo ki niye ni giweko balne woko, pi kit niye macalo meno aye omiyo en ojalo Jami ne woko ducu bot Rwot. Pi en omiyo Yecu otingo moo nard ma ngwece kur i kabedo ducu ma en owoto iye, nio inino me agiki ne me bedo i lobo.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MIN YECU OCUNG ITE YATARIYA: JON 19: 25-30
NGEC MA ORUMO LOK MAN: Guru Dano ikom Yatariya gin mo malit dok me nywaro dano ma Lubanga ocweyo. Ngo ma weko bedo lit bot ngat ma ka gigure ikom Yatariya, lok wek eywa yamo pien ka en tye ka ywe en keto pek kome ducu i kom mucumari ma ityene. Ma onogo Yecu dong gingabe i kom Yatariya ki lok ada en dong Rom ma tye i kapiny, pien Lubanga dong oweko en woko. Lalub Yecu ma en Maroni aye obedo Jon kikome (26).
1. Ceng 25-27
• In itamoni pi gin ango ma omiyo pol lurem Yecu ma gicungu ite Yataria Obedo Mon? (In itamo Ni apoka poka tye ikin Co ki Mon ka obino me bedo caden me neno kit ma Yecu onongo kwede can ma ngat mo pe twero kweyone)?
• Pingo ma omiyo Maliam, ma en Min Yecu pe obedo wacen ki i te yataria pa Wode?
• Ngo ma in itamo ni obedo tek twatwal bot Maliam i kare menu?
• Mene ma in itamo ni Maliam onongo tye ki gen ni bitime, tangu onyo Wode bito, ikit yo mo keken ma twere? Mi tami
• I kare ma gitye ka neno kit ma ginywaro ki Yecu, Maliam ada pud obedo ki gen ni Yecu Wod pa Lubanga? Mi tami.
• Ngo ma lok pa Wode me agiki nyuto bot En Maliam? Kong itam kit kare menu ma Yecu oto iye ma kun en pe oloko kit gin mo keken bot Minne.
• Pi gin ango ma omiyo Yecu mito ni ewek Mine ite twero pa Jon, ento pe pa ngat mo mukene? (Onongo Maliam romo time nining ka obedi-ni en odok cen ka bedo bot lotino ne angwen ma gudong inge ma Yecu dong oto ni. (Wii myero oponi gin ducu onongo pe giye Yecu?)
• Ngo ma in itamo ni Yecu mito cimone woko kamaleng, wat i kin in ki Lunyodoni?
2. Ceng 28-29
• Tam kit yo mapatpat pi gin ango omiyo jo ma giguro gin ikom Yataria oryo pii makogi pi oyoto?
• Ngo mukene mapat kono, pii keken ma orwo ne oneko Yecu pire inge ma dong en tye ikom yat ariya?
• Yecu yam owaco inyim lwakni “Ka ngat ma oriyo pii neko omyero en obin bota wek omit pii (7:37). Pi gin ango ma omiyo Yecu ma en lami pii bot dano dok cwinye pukke pi oriyo pii?
3. Ceng 30
• Latela myero okwan matayo 3:15. Lok ma Yecu oloko ma pud pe gibatija en. ( Por ki wang ceng 30)
• In iye ni Yecu otyeko cobo Cik ma ka ka in me bedo ikit me atir. (Ma en bene Cik apar ducu)?
• Apoka poka ngo ma tye i kin lok ariyo man” “Yecu Oto” ki “Yecu omiyo cwinye malo”?
• Por wang cawa me agiki ma Yecu mito to kwede ki pa ngat mo ma ineno tye ka to. (Ngo ma onen mapat ki i kwo pa Yecu?
LOK ME KWENA MABER: Carolok pa Laco ma lalonyo ki Lajaro nyuto botwa atir ni ka piny tye iye ka ma oryo pii neko Dano iye tutwal. Lalonyo openyo Lajaro ni olut lwet cinge i pii ci oton i lebe (Luka 16:24). Yecu olimo can oriyo pii me kapiny wek in pe i lim can menu matwal, wek ibed ki kwo ma petum.
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com
MALIAM ME MAGDALA ORWATTE KI RWOT MA OCER: JON 20:11-18
NGEC MA ORUMO LOK MAN: Latela omyero okwan Luka 8:1-3, ma Tito botwa gin ma otime i anyim pa Maliam Lamagdala, Maliam pe calo Lukwena mukene En ocungo ite Yatariya nio wa i agiki, dok bene en obedo Caden ikare ma giyiko kwede Yecu. (Matayo 27:61) Tyen lok ni “Rabboni” (16) tyen lokke tye matek ma loyo “Rabbi” (Lapwony).
1.In itamoni kwo pa Mliam onongo obedo nining i kare ma Cen marac Abiro tye i kome: Ngo ma nino ki nino bedo kite, winye-ne kene keken, Nyero ngo ma Catan okelo i kome?
• In itamoni jami onongo tye nining bot Maliam Lamagdala i kare ma en tye ka wot kun girumo piny i ka bedo mapatpat gin ki Yecu gi?
• Kit mar ngo ma Maliam tye kwede i kom Yecu? Nen kong kit leb ma dongo ma en lwonge kwede: (13, 16, 18
2. Ngo ma nyuto botwa ni Maliam ocungu inget Yatariya nio wa i agiki dok en bene oneno kit ma giyiko kwede Yecu i lyel?
• In itamo nining kit ma Maliam otyeko ki nino aryo, ki nino me odiko ma Yecu Oto iye ni?
3. Pi gin ango ma omiyo Maliam pe mito weko lyel kadi obedni tye twolo (11)?
• Pi gin ango ma obedo ur twatwal bot Maliam ni en pe oneno kom Yecu, dok pe ogude bene matwal?
4. Pi gin ango ma omiyo Maliam pe obedo ki ur matwal ma en oneno Lumalaika Aryo i lyel? Tam kit yo mapatpat (12-13)
5. Pi gin ango ma omiyo Maliam pe oniang i kom Yecu i kare ma en tye ka nene, dok lok kwede, Tam kit yo mapatpat (14)
• Tye inino mo otime boti ma Yecu onongo tye cok kwedi i kare ma itye ka kumu ci ento pe iniang i kome? Ka otime boti, ikare ma kit man?
6. Pi gin ango ma omiyo Lumalaika kwed Yecu gipenyo Maliam ni pi gin ngo ma omiyo en tye ka koko: Gin dong gutyeko ngeyone woko?
• Pi gin ango ma omiyo Yecu mito ni i tit bote tyen lok ducu ki pig wangi, ma kun nongo dong en tye ki ngec?
• In itamo ni pig wang Maliam-ni tye ka mwol me nono? Mi tamni.
• Wan kono watwero ngeyone nining ni pig wangwa tye ka mwol me nono, onyo pe me nono?
7. Ngo ma omiyo Maliam oniang i agikine i kom Yecu (15-16)?
• Pi gin ango ma Yecu pe mito ni Maliam pe obed ki par twatwal pi En (17)
• Ngo ma wapwonyo ki i kit kwo pa Yecu macalo dano i kit kare macalo man?
8. Mon onongo pe giye-gi me bedo lucaden i lukiko i kare ca-ni. Pi gin ango ma omiyo Yecu onyutte bot Mon mukwongo, Man nyuto ni Mon aye Lucaden me Cer Pa Yecu?
• Yecu onongo pe omoko ite Cik pa jo tugi, onyo cik mukene matek, ma dok i kom Cabit. Pi gin ango ma omiyo en onyute bot Maliam macalo en lakwena pa Yecu ma oleyo ka tyen Juda?
9. In itamo ni Cer pa Yecu oloko kwo pa Maliam nining?
Gen ango mukene ma Cer pa Yecu okello i kwoni?
***
© 2019 Dul me 1.NYWAKO LOK ME KWENA MABER EN ANGO? - www.gladtidings-bs.com