Introduction


1.	DUL ME 1. NYWAKO LOK ME KWENA MABER EN ANGO?

Print all lessons

DUL ME 1. NYWAKO LOK ME KWENA MABER EN ANGO?

Tic me tito kwena maber.
Watwero pwonye ki lok ma gikodo ki iododo me kenica, ni meno gure i kacokke pa dano manok meno bedo macalo mutukari me oo bot dano manyen. In itwero nyuto Yecu bot luremi ki wati i kacokke me nywako lok me kwena maber. Jo mukene ginongo bedo yot botgi me bino i ot ka ma gicokke iye pi nywako lok ma i Baibul makato binogi i Kenica.
Tic pa ngat mo keken
Telo kit me nywako lok me kwena maber tye ma yot, dano mo keken twero telone, pe Lakwat keken. Manaye gin ma omiyo pingo wamito-ni ka twere dul mapatpat omyerogipok kingi kiikom Kenica acel.
Pwonye ki nongo gin manyen
Pien dano mo keken ma gucokke inywako lok me kwena maber gigamo peny, gin jwijwi ginongo jami manyen ki komgi ki iwang dul ma gikwano-ni. Dano twero pwonye kekengikare ducu ka ginongo gin manyen, ma kato ma ngat mo mapat ma omyero otit botgi. Nywako lok me kwena maber man bene twero konyo in i cawa ma ka itye ka kwano Baibul-ni piri keni.
Kabedo mawa ribbe kacel ki Yecu iye
Yecu En lok ma odoko kom dano, man tyen lokke nyuto ni jwijwi wa twero ribbe kwede ka wa yabo Baibul ma megwa. Nywako lok me kwena maber tyen lokke peni meno wapwony ada me lubo kit pa Lukrictayokeken, ci ento me weko-ni dano omyero oribbe ki lalargi makwo. Yecu kikome ma lok bot jo ma gitye ka nywako lok me Kwena maber ma i baibul, cuko cwinygi, dok bene konyogi. Nen Matayo 18:20
Ka ribbe pa lukricitayo twero bedo bene ka ma gijolo iye jo ma pudgin pe Lukricitayo.
Kawanywako wang dul ki i Baibul kacel, gin mukene twero time i iwa dok i kinwa.Cwiny dano twero yabbe, ayelayela me lok mapatpat gitwero nywako-ne kacel. Ka inen ni ribbe kacel man konyo dok ticce tye maber,ma dano kelo luremgi ci miyo dul meno cako dongo.
Kit apoka poka ango ma tye i kin nywako lok ma ibaibul i kit me tekwarowa ki nywako lok ma i baibul ma dul me kwena maber gitimo?
Lok ni” nywako lok ma i Baibul’’ni gigonyo- ni kit ngiyo lok ma i Baibul ma dul me kacokke mo keken ma patpat timo.Kare ducu jo ma gitye ka ngiyo lok ma i Baibul gitamo ni gitye ki ngec me niang i lok ma lubo bedo lukricitayo.Pe tye kit meno bot dul ma gitye i kacokke me ngiyo lok me Kwena Maber-penye me ngiyo lok i wang dul magi gicoyo man miyo kadi dano ma pud obino abina ma nyen twero niang jami mapol ma romo pyeraboro iwi miya acel. (80%) ma tye iye. Meno aye gin ma omiyo ngat mo keken ma okwanyo karene me ribbe me ngiyo lok ma i Baibul twero niang ki i wang dul meno cut cut, ma kun nongoen pud oneno anena keken. Jo ma guribbe ka ngiyo lok ma i Bailbul bene gitelo-gin me neno ni gi kwanyo wang dul meno kun giketo i kwogi pi kony pa lapeny. Gin acel makatoducu: i kacokke me nywako lok me kwena maber wan pewamito “lagam matye atir keken’’ Ci ento wan wamito ni omyero wacuk cwiny danomo keken ma tye ikacokke wek gin ducu ki acel acel guwac gin ango ma gitye ka tamo-ne ma lubbe ki wang dul meno-ni.
DUL ME 2. NGO MA IN IMITO OWEK I CAKI KWEDE KACOKKE ME KWENA MABER?

Kabedo: Wun wutwero cokke i gang pa dano, i Kenica, onyo iteyat.

Lutela ariyo: Ladit acel en penyo peny, ki lalub kore bedo ka konyo en. Lutela man mukwongo omyero gunen ni gipwonye i kit me Ngiyo lok ma i Baibul ma jo me Kwena Maber Pwonyo ma pud pe gicako telo dano mukene. Tic pa lalub latela tye me nyuto kit ma ginywako ki wang dul meno dok bene me konyo jo ma oo kwe ikacokke owek gin bene giniang wangdul ma gitye ka kwano ne-ni.

Baibul:onongo omyero dano ducu ki acel acel gibed ki Baibul ki wang dul me Kwena maber i cinggi. Baibul ma gi-gonyo ma leb-ne tye mayot meno aye twero bedo ber ka ma ginywako iye lok ma i Baibul. I Africa leb mapol ma patpat ki pi ngecme Kwan manok omiyo ayelayela tye mapol. Latela omyero onen ni ngat acel acel okwan/ owiny wang dul meno i leb ma mege ma en niyang iye ma nongo pud peya nywako lok ma i Baibul ocakke.

Peny: Pien Nywako lok me Kwena Maber kare ducu cungo i kom penyo peny, latela mangiyo lok me kwena maber omyero obedi ki buk me Nywako lok me Kwena Maber ma tiro dano i cinge. In itwero nongo ne iwww.gladtidings-bs.com

Dano ma gitye ka nywako lok kacel: Wel pa dano ma mitte i kacokke omyero gubedi dano maromo 4-8. Jo ma gin dong lukrictayo ki jo ma gin pud pe lukrictayo bene gitye ajola iye. Tye yot tutwal me ngiyo lok ki i Baibul i kacokke ma danone welgi romo 4-8 makato kacokke ma wel danone gipol. Ka ineno ni wel pa dano gipol i kacokke ma megwu, ma wel ne romo 12 omyero i pok iye i dul ariyo, in Latela omyero itel dul acel, lawangi otel dul acel ma tye nucu ne ni. Ka jo ne gibinoi kacokke kare ducu omyero wu-pokke igangi ariyo.

Mato cayi onyo gin mo keken: Muro cayi bot dano gi twero timone pi kit ma ngat mo oyubbe iye. Pe ni ngat acel acel omyero otedi cayi bot dano. Gin mukene ducu omyero gitim i yo mayot, Ka camo kwon tye omyero obedi i kare me camo Mwaka nyo pi Nino mukene madongo.
IN ITWERO YUBBE NINING ME NGIYO LOK MA I BAIBUL?
-Latela ki lawange omyero ginen ni gikwano peny ducu kacel ka bene omyero ginen ni giniyang tyen lok me peny meno ducu.
-Lutela ariyo man omyero gubed ka lega kacel bot jo ma mito bino ka nywako lok me Kwena Maber.
DUL ME 3. NGO MA LATELA OMYERO OTIM I KARE MA KA DANO TYE KA NGIYO WANG DUL MA I BAIBUL:

NYUTU KOM NYO NYING:Ka jo ma gibino ka ngiyo lok ma i gin acoya ni pe gingeyo komgi ci omyero imi botgi kare me nyuto komgi ki acel acel.

LEGA:Legi ni Yecu omyero olokki bot jo ma gigure ka nywako wang dul meno. (Ka kono jo mukene obino anga-gi ma ka gicako ki lega twero balo cwinyigi, ka iniang ni kit dano meno tye ikinwu. Ci omyero i legi ki i cwinyi laling pe matek).

CIK: Latela omyero otit Cik adek me kacokke me dul pa jo ma tye ka nywako lok me Kwena Maber (G.T.B.S).
1. I kare me ngiyo lok ki i wang dul man latela pe omyero ogam peny ma en openyo pire-kene bot dano.
2. Latela pe omyero owaci ni lagam mo keken rac.
3. Latela omyero okel wii dano odwok cen ka ngat mo ongako dano ki i wang dul ma gitye ka nywakone.

KWANO WANG DUL: Dano myero gikwan wang dul tyen ariyo. Ka dano tiyo ki Baibul ma leb-ne patpat omyero gukwan leb meno ducu. Ka kono dano mukene pe gitwero niyang i leb ariyoni ducu, latela omyero ogony botgi ki leb mayot ma gin bene giromo winyone.

NGEC MA ORUMO LOK: Latela myero okwan ngec ma orumo lok ma kun en cako ki i acakki i kit ma peny owoto kewde ci omyero En onen ni dano ducu guniang iye maber.

PENYO LAPENY: Latela omyero openy lapeny acel pi wang cawa meno ci omyero en oki lagam ma kato ariyo.Lapeny giketo iye cal ma¬n* nyo namba. Lapeny ma olubo wade gitwero penyo-ne ka ineno ni lagam me acel pe gigamo.

GAMO PENY: Gamo peny twere kit ma ngat ma omiyo kome ka gamone, omyero pe idi ngat mo ka gamo peny me-tek. Ka ngat mo oilo cinge malo, pe imi kare bot ngat ma ilo cinge kun nongo dong nawayo anwaya. Ka waraga man me peny ni tye mapol ma romo ariyo. Ci omyero imi acel botjo ma ginongo gamo peny man tye tek botgi ki niang tyen peny meno bene nongo tye ma tek botgi.

NEN BOT DANO: Kit ma itye ka telo dano ni pe ibedi ka penyo peny keken ci omyero bene inen bot dano. Nen bene gin ma tye ka time i kacokke i kin dano ducu. Ka latela woro kome ci dano mukene ni bene giworo komgi.

KOBO COC PE: Pe omyero iye ngat mo keken matye ikacokke me ngiyo lok me Kwena Maber okobcoc,ka dano gitye ka coc pe giloko lok mo.

OMYERO INEN KIT MA WANG CAWA TYE KA WOT KWEDE: Ngiyo lok omyero pe okat wang cawa acel ki nucu. Ka dano tero cawa mapol miyo dano gigiko bino ka nywako wang dul woko ikare mukene. Ka dano gitye ka nywako wang dul gimede amedaki telo lok mapol, ma nywako lok ne nongo tye ma mit tutwal, ci latela omyero okal peny mukene. Ci ento pe omyero obwotpeny me aggiki pien meno aye peny ma pire tek ma loyo ducu.

KWENA MABER I AGIKKI NE: I agikki me peny tye peny ma lok me Kwena Maber penyogi, ma telo dano ma tye ka nywako lok pa Lubanga ite yatariya. Ka tye calo tyen lok latela myero onwa kwano ne ka tyen ariyo owek dano ducuguniang i lok me kwena man maber.

AGIKKI ME PWONY: Ka kare me lok me kwena maber dong ogik. Latela Waco ni kombedi dong ngat acel acel otiti gin ango ma in ipwonyo nyo iniango ki i nywako wang dul ma inino matin, (Dano ducu ma gitye omyero gutiti gin mo keken ma gikwanyo ci omyero imi bot gi da-kika acel mo oweki gutam gin ma gubedo ka pwonyone ni. Peny dano ducu ki acel acel iyo mupore.

GIKO LOK PA LATELA: Man bedo kare ma latela tito kwede gin ma en onongo ki iwang dul me nino matin. Gi miyo bote kare me tito kwena maber pi kare mo ma nok. Ka inen ni en mito.

LEGA: Me agikkine latela pwoyo Lubanga pi lokke ka en lego bene pi peko ma patpat ma dano gutito bote ikare ma gitye ka nywako wang dul me Nino man.

Akadi obedi ngat acel keken ma lok pa Lubanga ogudo cwinye, latela twero giko lok kit man-ni nywako wang dul matin otum maber.
TIC PA LAWANG LATELA:
-Lawang latela cik ye bote me gamo peny.
-En bene omyero onen-ni egwoko dano ma gubino kwe i kacokke ma kun nyuto botgi wang dul ka dok bene gonyo tyen lok ango ma dano gubedo ka nywako-ne.
-Ka lwak gumede mapol myero inen ni i poko dul ariyo onyo nucu mukene pat, lawang latela en bedo dok latela pa dul me ariyo en bedo dong,doko latela madit mamegi.
DUL ME 4. AYELA YELA MA LATELA KARE MUKENE LIMO NYO NONGO.
Ngo ma in ibitimo ka ngat mo pe Waco gin mo keken?
Ayela yela eni time ikare ma lagam me ariyo nyo me adek i kacokke me dul ma pud gitye nyen. Pe komi omyel! Dano gicako gamone ka guneno ni in pe igamo botgi. Latela kene ma ikare mukene tamo ni bedo ling dong otero kare malac. Jo mukene nongo gitye ka tamo wang dul ma gikwanoni. Ka ineno ni ada pe gigamo gin mo, ci mede ki penyo peny acel menu odoco.

Peny! peny meno iyo mukene mapat

Woticit anyim labongo lagamcimedde ki penyopeny mukene.
Ngo ma ibitimo ka ngat mo openyi ki peny ma in pe ingeyo lagamne?

Cuk cwiny jo mukene me gamone. Ngat mo acel nongo ngeyo gin ma in pe ingeyo.

Cikke me nongo lagam menu ikare ma ibidwogo lacen. Nen ni igwoko cikke ni.

In itwero ye ni pe ingeyo lagam meno ci omyero imede anyim ki peny mukene.
Ngo ma in itimo ka ngat mo ogamo lagam maracce?
Pe omyero iwaci matwal ki i wang ngat meno ni en ogamo lagam marac, pien menu miyo lewic twero mako ngat meno matek.

Peny dok ngat mo ma patte aye, kare mukene dano mo nongo tye ki lagam maber-ne.

Peny dok ngat meno ni. Ngo ma iwang dul manoweko in itamo lakit tam macalo man. Kare mukene wiye twero po-ni wang dul meno onongo pe tye ka wacogin ma en etamo-ni.
Ngo ma in itimo ka ngat mo ongak woko ki i wang dul ma wutye ka kanywako- neni?
Dano mukene tye ma gin kare ducu giteme me timo kit gin macalo man.

Me juko kit dano macalo man omyero inen ni iwaco cik adek ma i acakki, ma acel ikine waco ni ka inen ni ngat mo ocako lok mo ma patte. An abidwokkoin cen iwang dul ma watye ka lok pire ni/ onyo akelo in cen iwang dul ma watye ka nywako ne ni.

Ka kono ngat ma ocako loko lok mukeneme caden ma otime ikome ma pe rwatte ki wang dul ma gikwano ni. In ibiwaco bote ni wek wa winy caden man ka kacokke wa otum. (onyo i kare ma nongo watye ka mato cayi)
Ngo ma in itimo ka ngat mo Medeki gamo lagam mabor calo tito lok kulu?

Ka itye ki kit dano macalo meno i dul mamegwu, wac botgi ki i acakki ni myero dano omi lagam ma cek cek owek wawinyu tam pa dano mapol ma gitye kwede ka twere!

Woti icit anyim ki peny mukene ka ngat enoni ocung manok ma nongo en pud tye ka ywe mo manok.
Ngo ma itimo ka ngat acel acel aye ma bedo ka gamo peny ki i acakki nio wa i agikkine?

I kit yo mo keken omyero i peny tam pa jo mukene ka inen ni ngat meno otyeko.

Nywak tam ki kit dano macalo man ikin in ki en i kom ayela yela macalo man.
Ngo ma in itimo ka pyem ocake i lok ma dok ikom pwony me ada.
Eni pe twero time i nywako Lok me Kwena maber ci ento ka ineno ni otime

Omyero iyung tam meno ducu obed macek.

Ye ni in i bedo ka cero lok /pyem ci ento wumede ki wot.

Ka ineno ni lokke pire tek omyero itit ki lakwati owek en obin ikacokkemukene matye i anyim wek oyub lok meno maber.
Ngo ma in itimo ka ngat mo ma idul ma megwu pe ye Waco kit lok mo kene?
Pe iri en me tek ni oloki. Teme me niyang ka ngat meno ada mito ni ebed laling. Jo ma gimaro bedo laling kare ducu pe gineno bot latela.
Ngo ma in itimo ka nucu pa dano gi oo kwe?
Ngo kono ka ni dano pe guniang cik me kwedo wang dul ma i Baibul?
Ngo ma in itimo ka jo mukene gipe ki ngec me kwan?
Ngo ma in itimo ka latin ocako kelo ayela ikabedo ma ginywako iye dul ma i Baibul?
Ngo main itimo ka ngat mo tye i kacokke ma pe niyang leb ma in itye ka lok kwede ni?
Ngo ma pire tek ma omyero inen ka la-Mucilim mo obino i ka coke me nywako lok i kom Baibul?

***